அமீர் கானுடனான திரைப்படம் உலகத்தரமாக இருக்கும்: லோகேஷ் கனகராஜ்
திருநெல்வேலி மாவட்டம் வள்ளியூா் இ.பி.காலனியில் மூதாட்டியைக் கொன்று நகைகள் திருடப்பட்டது தொடா்பான வழக்கில் இளைஞரை போலீஸாா் திங்கள்கிழமை கைது செய்தனா்.
வள்ளியூா் இ.பி.காலனியை சோ்ந்த அா்ச்சுணன் மனைவி ருக்குமணி(72). கணவரை இழந்த இவா், தனது இளைய மகன் பாலசுந்தரம் வீட்டின் அருகே தனியாக வசித்து வந்தாா்.
இந்நிலையில் அவரை கடந்த 6ஆம் தேதி இரவு மா்மநபா்கள் கொலை செய்து, அவா் அணிந்திருந்த நகைகள், பீரோவில் இருந்த நகைகளை திருடிச் சென்றது மறுநாள் காலையில் (ஜூலை7) தெரியவந்தது.
இதுகுறித்து பாலசுந்தரம் அளித்த புகாரின்பேரில், வள்ளியூா் காவல் ஆய்வாளா் நவீன் வழக்குப்பதிந்து, அப்பகுதியிலுள்ள சிசிடிவி கேமராக்களை ஆய்வுசெய்ததில் திருநங்கை அல்லது பெண் வேடமிட்டவருக்கு தொடா்பிருக்கலாம் என சந்தேகம் ஏற்பட்டதாம்.
அதனடிப்படையில், ருக்குமணியின் கணவா் உயிருடன் இருக்கும்போது வீட்டில் பராமரிப்பு பணிக்காக வந்த களக்காடு அருகேயுள்ள சிதம்பராபுரத்தைச் சோ்ந்த வீரவேலின் மகன் விஜய்(28) என்பவரைப் பிடித்து விசாரித்தனா்.
அதில், அவா் பெண்வேடமிட்டு ருக்குமணிடியை கொலைசெய்து நகைகளை திருடிச்சென்றது தெரியவந்தது. அவரை போலீஸாா் திங்கள்கிழமை கைது செய்தனா். கடன் பிரச்னையால் கொலை, திருட்டில் ஈடுபட்டதாக அவா் கூறினாராம். அவரிடமிருந்து நகைகளை மீட்டு போலீஸாா் தொடா்ந்து விசாரித்து வருகின்றனா்.
