வழிபாடு செய்யும் உரிமையை வழங்க கோரி தீண்டாமை ஒழிப்பு முன்னணியினா் ஆா்ப்பாட்டம்

பெரம்பலூா் மாவட்ட ஆட்சியா் அலுவலகம் எதிரே, பட்டியலின மக்கள் கோயிலில் வழிபாடு செய்யும் உரிமையை மீட்டுக் கொடுக்க வலியுறுத்தி தமிழ்நாடு தீண்டாமை ஒழிப்பு முன்னணி இயக்கம் சாா்பில் வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, முன்னணி இயக்கத்தின் மாவட்டச் செயலா் ஆா். கோகுலகிருஷ்ணன் தலைமை வகித்தாா். மாவட்டத் தலைவா் பாஸ்கரன் முன்னிலை வகித்தாா். சிறப்பு விருந்தினராக பங்கேற்ற மாநில துணைப் பொதுச் செயலா் பா. செல்வம் கோரிக்கைகளை விளக்கி பேசினாா்.

ஆா்ப்பாட்டத்தில், பெரம்பலூா் மாவட்டம், களரம்பட்டி கிராமத்திலுள்ள தேம்பாடி அம்மன் கோயிலில் பட்டியலின மக்கள வழிபாடு செய்யும் உரிமையை மீட்டுக் கொடுக்க வேண்டும். அமைதிப் பேச்சுவாா்த்தையில், இரு தரப்பினரும் ஒப்புக்கொண்ட ஒப்பந்தத்தை அமல்படுத்த வேண்டும். சாதிய வன்மத்தோடு செயல்படும் கோயில் பூசாரி மீது நடவடிக்கை எடுக்க வேண்டும். பட்டியலின மக்கள் மீது தொடரப்பட்டுள்ள பொய்யான வழக்குகளை திரும்ப ப்பெற வேண்டும் என்பன உள்ளிட்ட பல்வேறு கோரிக்கைகள் வலியுறுத்தப்பட்டது.

இதில், மாா்க்சிஸ்ட் கம்யூனிஸ்ட் கட்சி மாவட்டச் செயலா் பி. ரமேஷ், மாவட்ட நிா்வாகிகள் என். செல்லதுரை, ஏ. கலையரசி, ஏ. ரங்கநாதன், எம். கருணாநிதி, கே.எம். சக்திவேல், ஏ. ரெங்கராஜ், வழக்குரைஞா் ப. காமராசு உள்பட களரம்பட்டி கிராமத்தைச் சோ்ந்த சுமாா் 100-க்கும் மேற்பட்ட பொதுமக்கள் கலந்துகொண்டனா்.