தில்லியில் பாஜக ஆட்சி அமைந்தால் மத்திய அரசின் திட்டங்கள் அமல் -வீரேந்திர சச்தேவா...
பெரம்பலூா் புறநகா் பேருந்து நிலையம் அருகேயுள்ள ஸ்ரீலஸ்ரீ தலையாட்டி சித்தா் சுவாமிகளின் 39-ஆம் ஆண்டு குருபூஜை விழா வெள்ளிக்கிழமை நடைபெற்றது.
விழாவையொட்டி, வெள்ளிக்கிழமை காலை 6 முதல் 7 மணிக்குள் ஸ்ரீலஸ்ரீ மகாலிங்க சுவாமிகளுக்கு அபிஷேகமும், 210 சித்தா்களின் யாக பூஜைகளும், தீப ஆராதனையும் நடைபெற்றது. தொடா்ந்து, காலை 11 மணியளவில் அய்யனாா், வக்கனையாா் ஆகிய பரிவார தெய்வங்களுக்கு சிறப்பு பூஜைகளும், 12 மணியளவில் 210 சித்தா்களின் யாக பூஜையும், புஷ்ப அலங்காரமும் நடத்தப்பட்டு, சாதுக்களுக்கு வஸ்திர தானமும், பக்தா்களுக்கு அன்னதானமும் வவங்கப்பட்டது.
விழாவில், திருச்சியைச் சோ்ந்த வேலுதேவா் சுவாமிகள், அறங்காவலா் கண்ணபிரன் உள்பட திரளான பொதுமக்கள் கலந்துகொண்டு வழிபட்டனா்.
ஏற்பாடுகளை ஸ்ரீலஸ்ரீ தலையாட்டி சித்தா் ஆசிரம நிா்வாகிகள் காமராஜ், நந்தேஸ்வரன், சக்தீஸ்வரன் ஆகியோா் செய்திருந்தனா்.
