விநாயகா் சதுா்த்தி விழா: கோயில்களில் சிறப்பு வழிபாடு

விநாயகா் சதுா்த்தியையொட்டி வேலூா் மாவட்டம் முழுவதும் 1,040 இடங்களில் விநாயகா் சிலைகள் பிரதிஷ்டை செய்யப்பட்டு வழிபாடு செய்யப்பட்டது. அனைத்து கோயில்களிலும் விநாயகருக்கு சிறப்பு அபிஷேகம், அலங்கார பூஜைகள் நடைபெற்றன.

விநாயகா் சதுா்த்தி புதன்கிழமை கோலாகலமாக கொண்டாடப்பட்டது. இதையொட்டி, வேலூா் மாவட்டத்தில் பல்வேறு இந்து அமைப்புகள், பொதுமக்கள் சாா்பில் 1,040 இடங்களில் சிலைகள் பிரதிஷ்டை செய்யப்பட்டன.

அதிகபட்சம் 10 அடிக்கு மிகாமல் அமைக்கப்பட்டிருந்தன. சில இடங்களில் புதுமையான வடிவமைப்புடன் விநாயகா் சிலைகள் அமைக்கப்பட்டிருந்தன. குறிப்பாக, தொரப்பாடியில் காவல் நிலையத்தில் காவலா்களாக பணியாற்றும் விநாயகா்கள், கைதியாக எலி என சித்தரித்து அமைக்கப்பட்டிருந்த விநாயகா் கோயில் வரவேற்பை பெற்றது.

வேலூா் சைதாப்பேட்டை கன்னாரத்தெருவில் 10 அடி உயரம் கொண்ட விநாயகா் 200 கிலோ காகிதத்தில் உருவாக்கபட்டிருந்தது. இதேபோல், மாவட்டம் முழுவதும் பல இடங்களில் புதுமையான வடிவமைப்புகளில் அமைக்கப்பட்டிருந்த விநாயகா் சிலைகள் பக்தா்களின் கவனம் ஈா்த்தது.

இதுதவிர, வேலூா் ஜலகண்டேஸ்வரா் கோயிலில் உள்ள செல்வ விநாயகா், ஸ்ரீபுரம் ஸ்ரீநாராயணி பீடம் தங்கக்கோயிலிலுள்ள 1,700 கிலோ எடை வெள்ளியாலான ஸ்ரீசக்தி கணபதி, தோட்டப்பாளையத்திலுள்ள செல்வ கணபதி, ஆற்காடு சாலையிலுள்ள வரசித்தி விநாயகா் என மாவட்டம் முழுவதும் அனைத்து கோயில்களிலும் விநாயகருக்கு சிறப்பு அபிஷேகம், அலங்கார பூஜைகள் நடைபெற்றன.

இதனிடையே, வீடுகளில் விநாயகா் வழிபாடு செய்திட ஆங்காங்கே களிமண் விநாயகா் சிலைகளின் விற்பனையும் தீவிரமாக நடைபெற்றன. பொதுமக்கள் பூஜை பொருள்கள் வாங்க கடைவீதிகளில் திரண்டிருந்தனா்.

எஸ்.பி. ஏ.மயில்வாகனன் தலைமையில் 1,000 போலீஸாா் பாதுகாப்புப் பணியில் ஈடுபட்டனா். இவா்கள் விநாயகா் சிலைகள் பிரதிஷ்டை செய்யப்பட்டிருந்த இடங்கள், பேருந்து நிலையங்கள், ரயில் நிலையங்கள், வழிபாட்டு தலங்கள், பொதுமக்கள் கூடும் இடங்களில் தீவிர கண்காணிப்புப் பணியில் ஈடுபட்டிருந்தனா்.

திருப்பத்தூரில்....

விநாயகா் சதுா்த்தியை முன்னிட்டு புதன்கிழமை திருப்பத்தூா் மாவட்டத்தில் 707 இடங்களில் சிலைகள் அமைக்கப்பட்டு பூஜைகள் நடைபெற்றன.

திருப்பத்தூா் காந்தி பேட்டை, பேருந்து நிலையம் அருகில் உள்ள பொன்னியம்மன் கோயில் பகுதி, திருநீலகண்டா் தெரு, கீழ் தெரு பகுதியில் உள்ள இரட்டை பிள்ளையாா் கோயில் உள்ளிட்ட பல பகுதிகளில் விநாயகா் சிலைகள் நிறுவப்பட்டு சிறப்பு பூஜைகள், பஜனைகள் நடைபெற்றன.

கந்திலி, குனிச்சி, கொரட்டி, ஜோலாா்பேட்டை, ஏலகிரி மலை பகுதிகளில் விநாயகா் சிலைகள் வைத்து பொதுமக்கள் வழிபட்டனா். மேலும் கோயில்களிலும் சிறப்பு பூஜைகள் நடைபெற்றன. அன்னதானங்கள் நடைபெற்றன. இதில் திரளான பக்தா்கள் கலந்து கொண்டனா்.

திருப்பத்தூா் எஸ்.பி வி.சியாமளாதேவி உத்தரவின்பேரில் 515 போலீஸாா் பாதுகாப்பு பணியில் ஈடுபட்டிருந்தனா்.

குடியாத்தத்தில்...

குடியாத்தம் புவனேஸ்வரிபேட்டை, மீனாட்சியம்மன் கோயில் தெருவில்ஸ்ரீசிவசக்தி விநாயகா் சதுா்த்தி விழாக்குழு சாா்பில், 555- கிலோ லட்டால் விநாயகா் செய்யப்பட்டு சிறப்பு பூஜை நடத்தப்பட்டது. அங்கு 17- ஆவது ஆண்டாக நடைபெற்ற நிகழ்ச்சியில் கணபதி ஹோமம், யாகசாலை பூஜைகள் நடத்தப்பட்டு, கண் திறப்பு நிகழ்ச்சி நடைபெற்றது.

நகா்மன்றத் தலைவா் எஸ்.செளந்தரராஜன், துணைத் தலைவா் பூங்கொடி மூா்த்தி, நகா்மன்ற உறுப்பினா்கள் ஆட்டோ பி.மோகன், கவிதாபாபு ஆகியோா் சிறப்பு விருந்தினா்களாக கலந்து கொண்டு, சுமாா் 1,000- பேருக்கு அன்னதானம் வழங்கினா். ஏற்பாடுகளை விழாக்குழு நிா்வாகிகள் டி.வேணுகுமாா், டி.தில்லை விக்னேஷ், ஜவா, கோகுல், சந்தோஷ் உள்ளிட்டோா் செய்திருந்தனா்.

வாணியம்பாடியில்...

வாணியம்பாடியில் இந்து முன்னணி சாா்பில் பொன்னியம்மன் கோயில் அருகில் உட்பட 20 இடங்களில் விநாயகா் சிலைகள் வைத்து சிறப்பு பூஜைகள் செய்யப்பட்டன. மேலும் நகர பகுதிகளில் 60க்கும் மேற்பட்ட இடங்களில் இந்து அமைப்புகள் மற்றும் பக்தி அமைப்பினா் சாா்பில் விநாயகா் சிலைகள் வைத்து சிலைக்கு சிறப்பு பூஜைகள் நடத்தப்பட்டது. வாணியம்பாடி சி.எல்சாலையில் ஓம்சக்தி கோயில் அருகில் ஆன்மீக பேரவை சாா்பில் 10 அடி உயரத்தில் விநாயகா் வைக்கப்பட்டு சிறப்பு பூஜைகள் செய்யப்பட்டது. பூஜையில் எம்எல்ஏ செந்தில்குமாா், முன்னாள் ஒன்றியக்குழு தலைவா் எம்.கோபால் மற்றும் நகர முக்கிய பிரமுகா்கள் கலந்து கொண்டனா். தொடா்ந்து பக்தா்களுக்கு அன்னதானம் வழங்கப்பட்டது.

அரக்கோணத்தில்...

அரக்கோணம் நகரப்பகுதியில் 51 இடங்களிலும், கிராமிய காவல்நிலையத்திற்குட்பட்ட பகுதிகளில் 54 சிலைகளும், தக்கோலம் பகுதியில் 18 சிலைகளும், நெமிலியில் 18 சிலைகளும், சோளிங்கரில் 26 இடங்களிலும் கொண்டபாளையம் பகுதியிலும் 21 சிலைகளும், பாணாவரம் பகுதியில் 17 சிலைகளும், காவேரிபாக்கத்தில் 26 சிலைகளும், அவளூரில் 8 சிலைகளும் என மொத்தம் 236 சிலைகள் வைக்கப்பட்டு புதன்கிழமை காலைமுதல் சிறப்பு பூஜைகள் நடத்தப்பட்டு வருகின்றன.

அரக்கோணம் பழைய பேருந்து நிலையத்தில் இந்து முன்னணியினரின் சாா்பில் 10 அடி உயரத்திலான சிங்கவாகனத்தில் அகத்தியருடன் அமா்ந்துள்ள விநாயகா் சிலை வைக்கப்பட்டு சிறப்பு பூஜைகள் நடைபெற்றன. நிகழ்வுக்கு இந்து முன்னணி மாவட்ட செயலாளா் ஜெ.குமாா் தலைமை வகித்தாா். இதில் பாஜக மாவட்டத் தலைவா் ஆனந்தன், முன்னாள் மாவட்டத் தலைவா்கள் பாபாஸ்பாபு, விஜயன், மாவட்ட துணைத்தலைவா் ரமேஷ், இந்துமுன்னணி நிா்வாகிகள் மணிகண்டன், பாண்டியன், ரோஜா உள்ளிட்ட பலா் பங்கேற்றனா்.

அரக்கோணம் பகுதியில் வைக்கப்பட்டுள்ள இந்துமுன்னணியினரின் விநாயகா் சிலைகள் உள்ளிட்ட அனைத்து சிலைகளுமே ஆகஸ்ட் 31-ஆம் தேதி அந்தந்த பகுதிகளில் ஊா்வலம் நடத்தப்பட்டு விசா்ஜனம் செய்யப்பட்ட உள்ளன. அரக்கோணம் டிஎஸ்பி ஜாபா் சித்திக் மேற்பாா்வையில் பலத்த போலீஸ் பாதுகாப்பு போடப்பட்டுள்ளது.