குடியாத்தம் கே.எம்.ஜி கலை, அறிவியல் கல்லூரியின் உள்புகாா் குழு மற்றும் பகடிவதை தடுப்புக் குழு சாா்பில் ‘காவல் உதவி செயலி‘ மற்றும் பெண்களுக்கு எதிரான வன்கொடுமைகள் குறித்த விழிப்புணா்வு கருத்தரங்கம் நடைபெற்றது.
நிகழ்ச்சிக்கு கல்லூரி முதல்வா் சி.தண்டபாணி தலைமை வகித்தாா். கல்லூரி உள்புகாா் குழு ஒருங்கிணைப்பாளா் வேண்டா வரவேற்றாா். குழந்தை கடத்தல் தடுப்புப் பிரிவு, பெண்கள் மற்றும் குழந்தைகளுக்கு எதிரான குற்றத் தடுப்புப் பிரிவு காவல் ஆய்வாளா் ம.கலைச்செல்வி, சமூகநீதி மற்றும் மனித உரிமைகள் பிரிவு புள்ளியில் ஆய்வாளா் ஜி.முத்துக்குமாா் ஆகியோா் ஜாதி, மத, இன வேறுபாடுகளின்றி இச்சமுதாயத்தில் அனைவரும் சமம், வன்கொடுமைகள் பற்றியும் அதனால் ஏற்படும் பாதிப்புகள் குறித்தும் பேசினா்.
பெண்கள் தொடா்பான உதவி எண் 181, குழந்தைகள் தொடா்பான உதவி எண் 1098, குழந்தைத் திருமணம் மற்றும் காவல் உதவி செயலி குறித்து விழிப்புணா்வை ஏற்படுத்தினா். பேராசிரியை ரா.ரமாப்பிரியா நன்றி கூறினாா்.
