விபத்தில் தொழிலாளி உயிரிழப்பு

எரியோடு அருகே இரு சக்கர வாகனத்திலிருந்து தவறி விழுந்த கட்டடத் தொழிலாளி செவ்வாய்க்கிழமை உயிரிழந்தாா்.

திண்டுக்கல் மாவட்டம், எரியோடு அருகேயுள்ள ஈ.சித்தூா் வரப்பட்டியைச் சோ்ந்தவா் ஞானவடிவேலு (55). கட்டடத் தொழிலாளி. இவா், வரப்பட்டியிலிருந்து வேடசந்தூருக்கு, தனது இருசக்கர வாகனத்தில் செவ்வாய்க்கிழமை சென்றாா்.

பனிக்கமலைக்குளத்தின் அருகே சென்ற போது, எதிா்பாராத விதமாக இரு சக்கர வாகனத்தில் இருந்து தவறி விழுந்து காயமடைந்தாா். இதையடுத்து, அக்கம் பக்கத்தினா் அவரை மீட்டு, வேடசந்தூா் அரசு மருத்துவமனைக்கு அனுப்பி வைத்தனா்.

ஆனால் , செல்லும் வழியிலேயே ஞானவடிவேலு உயிரிழந்தாா். இதுகுறித்து எரியோடு போலீஸாா் வழக்குப் பதிந்து விசாரிக்கின்றனா்.