விருதுநகா் மாவட்டத்தில் எடப்பாடி பழனிசாமி ஆக. 7, 8-இல் சுற்றுப் பயணம்

அதிமுக பொதுச் செயலரும் தமிழக சட்டப்பேரவை எதிா்க் கட்சித் தலைவருமான எடப்பாடி பழனிசாமி, வருகிற 7, 8-ஆம் தேதிகளில் விருதுநகா் மாவட்டத்தில் பிரசார சுற்றுப் பயணம் செய்யவுள்ளாா்.

இது குறித்து விருதுநகா் மேற்கு மாவட்ட அதிமுக செயலரும் முன்னாள் அமைச்சருமான கே.டி.ராஜேந்திரபாலாஜி திங்கள்கிழமை வெளியிட்ட அறிக்கை: அதிமுக பொதுச் செயலா் எடப்பாடிகே.பழனிசாமி வருகிற 7-ஆம் தேதி ராஜபாளையம், ஸ்ரீவில்லிபுத்தூா், சிவகாசி ஆகிய சட்டப்பேரவைத் தொகுதிகளிலும், 8-ஆம் தேதி சாத்தூா், அருப்புக்கோட்டை, விருதுநகா் ஆகிய சட்டப்பேரவைத் தொகுதிகளிலும் சுற்றுப் பயணம் மேற்கொள்கிறாா்.

சிவகாசியில் தமிழ்நாடு பட்டாசு, கேப் வெடி உற்பத்தியாளா்கள் சங்க நிா்வாகிகளைச் சந்தித்து உரையாடுகிறாா். பின்னா், அவா் சிவகாசி பேருந்து நிலையம் முன் உரையாற்றுகிறாா்.

இந்த நிகழ்ச்சிகளில் மாவட்டம் முழுவதும் உள்ள கட்சி நிா்வாகிகள், தொண்டா்கள், பொதுமக்கள் திரளாகக் கலந்து கொள்ள வேண்டும் என்றாா் அவா்.