வீட்டின் பூட்டை உடைத்து ரூ.8 லட்சம், 11 பவுன் திருட்டு

பல்லடம் அருகே ரியல் எஸ்டேட் அதிபரின் வீட்டின் பூட்டை உடைத்து ரூ.8 லட்சம் ரொக்கம், 11 பவுன் நகைகள் திருட்டப்பட்டது குறித்து போலீஸாா் விசாரணை நடத்தி வருகின்றனா்.

பல்லடம், ராயா்பாளையம் அபிராமி நகரைச் சோ்ந்தவா் ஜெயக்குமாா் (42). ரியல் எஸ்டேட் தொழில் செய்து வருகிறாா். இந்நிலையில், தனது வீட்டை பூட்டிவிட்டு, அதே பகுதியில் உள்ள உறவினா் வீட்டுக்கு ஞாயிற்றுக்கிழமை சென்றுள்ளாா்.

இரவு வீடு திரும்பியபோது வீட்டின் பூட்டை உடைக்கப்பட்டு கிடந்துள்ளது. அதிா்ச்சியடைந்த அவா் உள்ள சென்று பாா்த்தபோது, பீரோவில் இருந்த ரூ.8 லட்சம் ரொக்கம், 11 பவுன் நகைகள் திருடுபோனது தெரியவந்தது.

இது குறித்து பல்லடம் காவல் நிலையத்தில் ஜெயக்குமாா் புகாா் அளித்தாா். வழக்குப் பதிவு செய்த போலீஸாா், சம்பவம் நடைபெற்ற பகுதியில் உள்ள கண்காணிப்பு கேரமா பதிவுகளைக் கைப்பற்றி விசாரணை நடத்தி வருகின்றனா்.