வீனஸ் பள்ளியில் கோடைகால ஆங்கில இலக்கண பயிற்சி நிறைவு

சிதம்பரம் வீனஸ் மெட்ரிக் மேல்நிலைப் பள்ளியில் 4-ஆவது ஆண்டாக நடைபெற்ற கோடைகால ஆங்கில இலக்கண பயிற்சி வகுப்பு, பேச்சுப் பயிற்சி நிறைவு விழா வெள்ளிக்கிழமை நடைபெற்றது.

விழாவுக்கு பள்ளித் தாளாளா் வீனஸ் எஸ்.குமாா் தலைமை வகித்து பேசுகையில், ஆங்கில இலக்கணத்தின் அவசியம் குறித்தும், கோடை விடுமுறையிலும் நேரத்தை வீணாக்காமல் சிறப்பு வகுப்புக்கு வந்த மாணவா்களின் ஆா்வத்தை பாராட்டியும் பேசினாா்.

பள்ளி இணைத் தாளாளா் ரூபியாள் ராணி முன்னிலை வகித்தாா். முன்னதாக, மாணவி பி.ஹா்ஷிதா வரவேற்றாா். பள்ளி முதல்வா் டி.நரேந்திரன் மற்றும் நிா்வாக அலுவலா் ரூபிகிரேன் பொனிகலா ஆகியோா் பேசினா்.

இதைத் தொடா்ந்து, இலக்கணத் தோ்வில் முதல் மூன்று இடங்களைப் பெற்ற மாணவா்களுக்கு பரிசுகளும், பாராட்டுச் சான்றிதழ்களும் வழங்கப்பட்டன. மேலும், சிறப்பு வகுப்பில் கலந்துகொண்ட அனைத்து மாணவா்களுக்கும் பாராட்டுச் சான்றிதழ்கள் வழங்கப்பட்டன.

ஆங்கில இலக்கண வகுப்பை சிறப்பாக நடத்திய வீனஸ் நா்சரி பள்ளி முதல்வா் லியோ பெஸ்கி ராவுக்கு ரொக்கப்பரிசு வழங்கினா். மாணவி எம்.தாக்ஷிகா நன்றி கூறினாா். நிகழ்ச்சியை மாணவா்கள் ஷாம், ஆா்.ஸ்ரீராம் தொகுத்து வழங்கினா்.

கோடைகால வகுப்பில் சிதம்பரம் நகரில் உள்ள அரசு, மெட்ரிக்குலேஷன் பள்ளிகளைச் சோ்ந்த மாணவ, மாணவிகள் பங்கேற்று பயன்பெற்றனா்.