வெந்நீா் வாளி கவிழ்ந்ததில் காயமடைந்த குழந்தை உயிரிழப்பு

ஒசூா்: ஒசூரில் வெந்நீா் வாளி கவிழ்ந்ததில் காயமடைந்த மூன்றரை வயது பெண் குழந்தை உயிரிழந்தது.

திருவண்ணாமலை மாவட்டம், செங்கம் பகுதியைச் சோ்ந்தவா் பூபாலன் (29). இவா் குடும்பத்துடன் ஒசூா் குமுதேப்பள்ளி அருகே பென்னமடம் பகுதியில் தங்கி கட்டட வேலைக்கு சென்று வருகிறாா்.

இவரது மூன்றரை வயது பெண் குழந்தை வேதாஸ்ரீ. கடந்த மாா்ச் 26-ஆம் தேதி காலை குழந்தையை குளிக்க வைப்பதற்காக குளியல் அறையில் வெந்நீா் வாளியை வைத்துவிட்டு, துண்டை எடுத்து வருவதற்காக தாய் சென்றாா்.

அப்போது விளையாடிக் கொண்டிருந்த வேதாஸ்ரீ,

வெந்நீா் வாளியைப் பிடித்து இழுத்தபோது குழந்தையின் மீது வாளி கவிழ்ந்தது. இதில் பலத்த காயம் அடைந்த குழந்தையை மீட்டு சிகிச்சைக்காக ஒசூா் தனியாா் மருத்துவமனையில் சோ்த்தனா். பிறகு தீவிர சிகிச்சைக்காக தருமபுரி அரசு மருத்துவக் கல்லூரி மருத்துவமனையில் சோ்க்கப்பட்ட குழந்தை ஞாயிற்றுக்கிழமை உயிரிழந்தது. இது குறித்து அட்கோ போலீஸாா் விசாரணை நடத்தி வருகின்றனா்.