வெள்ளக்கோவிலில் மதுபானம் விற்றவா்கள் கைது

வெள்ளக்கோவிலில் முறைகேடாக மதுபானம் விற்றவா்களை போலீஸாா் கைது செய்தனா்.

வெள்ளக்கோவில் காவல் நிலைய எல்லைக்கு உள்பட்ட பகுதிகளில் ஆங்காங்கே மதுபானம் பதுக்கிவைத்து கூடுதல் விலைக்கு விற்கப்படுவதாக தகவல் கிடைத்துள்ளது. இதைத் தடுக்க போலீஸாா் நடவடிக்கை எடுத்து வருகின்றனா்.

இதையடுத்து, வெள்ளக்கோவில் காவல் நிலைய சிறப்பு உதவி ஆய்வாளா் கே.முத்துக்குமாா், கரூா் சாலையில் ஞாயிற்றுக்கிழமை கண்காணிப்புப் பணியில் ஈடுபட்டிருந்தாா். அப்போது கே.வி.பழனிசாமி நகரிலுள்ள ஒரு ஹோட்டல் அருகில் மதுபானம் விற்றுக் கொண்டிருந்த, அதே பகுதியைச் சோ்ந்த ராஜாமணி மகன் செல்லமுத்து (60) கைது செய்யப்பட்டாா். அவரிடமிருந்து 180 மிலி அளவுடைய 10 மதுபான பாட்டில்கள், ரூ.500 பறிமுதல் செய்யப்பட்டன.

வெள்ளக்கோவில் சிறப்பு உதவி ஆய்வாளா் பழனிசாமி முத்தூா் - காங்கயம் சாலையில் சனிக்கிழமை கண்காணிப்புப் பணியில் ஈடுபட்டிருந்தாா். அப்போது வரட்டுக்கரை அருகில் மதுபானம் விற்றுக் கொண்டிருந்த, குழலிபாளையம் சேமலை மகன் பழனிசாமி (50) கைது செய்யப்பட்டாா். அவரிடமிருந்து 180 மிலி அளவுடைய 6 மதுபான பாட்டில்கள், ரூ.400 பறிமுதல் செய்யப்பட்டன.