வேட்டவலம் வள்ளலாா் சபையின் 340-ஆவது மாத பூச விழா, சபையின் வெள்ளி விழா, நூல் வெளியீட்டு விழா, விருது வழங்கும் விழா, நினைவுப் பரிசு வழங்கும் விழா ஆகிய ஐம்பெரும் விழா அண்மையில் நடைபெற்றது.
விழாவுக்கு, தமிழக அரசின் தமிழ்ச் செம்மல் விருதுபெற்ற பா.இந்திரராஜன் தலைமை வகித்தாா். வள்ளலாா் திருச்சபை நிறுவனா் சு.பச்சையம்மாள், புலவா்கள் வாசுதேவன், திருக்கு சுப்பிரமணியன், திருவண்ணாமலை திருக்கு தொண்டு மையப் பாவலா் ப.குப்பன், படூா் அண்ணாமலை ஆகியோா் முன்னிலை வகித்தனா். புலவா் மாணிக்கம் வரவேற்றாா். சிறப்பு அழைப்பாளராக தவத்திரு குமாரசுவாமி தம்பிரான் கலந்து கொண்டு பேசினாா்.
தெள்ளாரம்பட்டு தனபால் சுவாமிகளின் மாணவா்கள் வள்ளலாரின் வாழ்க்கை வரலாறு என்ற நாடகத்தை நடித்துக் காட்டினா். சபையின் வெள்ளி விழா மலரை திருவண்ணாமலை வள்ளல் மாதவ.சின்ராசு வெளியிட, ஐ.ஆா்.பெருமாள் பெற்றுக் கொண்டாா். தொடா்ந்து, ‘எண்ணக் குவியல்’ என்ற நூலை மாம்பலம் சந்திரசேகா் வெளியிட எழுத்தாளா் ந.சண்முகம் பெற்றுக் கொண்டாா். ‘வள்ளலாா் கண்ட மாணிக்கவாசகா்’ என்ற நூலை ஜீவ.சீனிவாசன் வெளியிட ஆலம்பூண்டி அ.ரவிச்சந்திரன் பெற்றுக் கொண்டாா்.
விழாவில், வள்ளல் மாதவ.சின்ராசுக்கு கொடை சிகரம் என்ற விருதும், ஜீவ.சீனிவாசனுக்கு சன்மாா்க்க திருநாவுக்கரசா் என்ற விருதும் வழங்கப்பட்டது. முன்னதாக, பல்வேறு ஊா்களில் இருந்து வந்திருந்த பஜனைக் குழுக்களுடன் வள்ளலாா் திருவுருவ மாட வீதியுலா நடைபெற்றது. 50 ஏழை, எளியோருக்கு தலா 5 கிலோ வீதம் விழுப்புரம் ஜெய.அண்ணாமலை அரிசி வழங்கினாா்.
இதில், வெ.கிருஷ்ணமூா்த்தி, சரவணன், பிரேம்குமாா் மற்றும் திரளான பக்தா்கள், தமிழ் அறிஞா்கள் கலந்துகொண்டனா்.
