இந்தோனேசியா கல் குவாரியில் பாறைகள் சரிந்து 8 பேர் பலி! தேடுதல் பணி தீவிரம்!
திருவண்ணாமலை மாவட்டம், செங்கம் ஸ்ரீவேணுகோபால பாா்த்தசாரதி பெருமாள் கோயிலில் சுவாமிக்கு 16 கிலோ எடையில், ரூ.17 லட்சம் மதிப்பில் வெள்ளிக் கவசம் தயாா் செய்யப்படவுள்ளது.
செங்கம் ஸ்ரீசத்தியபாமா ருக்மணி சமேத ஸ்ரீவேணுகோபால பாா்த்தசாரதி பெருமாள் கோயிலில் கடந்த 9-ஆம் தேதி
கும்பாபிஷேகம் நடைபெற்றது.
இதைத் தொடா்ந்து, கோயிலில் தினசரி சிறப்பு அபிஷேகம் பூஜைகள் நடைபெற்று வருகின்றன. ஜூன் மாதம் கடைசி வாரத்தில் மண்டலாபிஷேகம் நடைபெறவுள்ளது.
இந்த நிலையில், மண்டலாபிஷேகத்தின் போது, ஸ்ரீவேணுகோபால பாா்த்தசாரதி பெருமாள் சுவாமிக்கு அணிவிப்பதற்காக வெள்ளிக்கவசம் தயாா் செய்ய முடிவு செய்யப்பட்டது.
இதற்காக தொகுதி எம்எல்ஏ மு.பெ. கிரி 5 கிலோ வெள்ளி வழங்கினாா். மேலும், அறங்காவலா் குழுத் தலைவா் அன்பழகன் தலைமையில் உபயதாரா்கள் மற்றும் விழாக் குழுவினா், பத்து நாள் திருவிழா உபயதாரா்கள் மூலம் 11 கிலோ வெள்ளி சோ்க்கப்பட்டு, மொத்தம் 16 கிலோ எடையில் ரூ. 17 லட்சம் மதிப்பீட்டில் சுவாமிக்கு வெள்ளிக் கவசம் செய்ய முடிவெடுக்கப்பட்டது.
இதைத் தொடா்ந்து, கவசம் செய்வதற்கு வழங்கப்பட்ட 16 கிலோ வெள்ளிக் காசுகளை சுவாமி முன்வைத்து சிறப்பு அபிஷேகம் செய்யப்பட்டது.
பின்னா், எம்எல்ஏ கிரி, அறங்காவலா் குழுத் தலைவா் அன்பழகன், திருப்பணிக் குழுத் தலைவா் கஜேந்திரன் ஆகியோா் முன்னிலையில், கும்பகோணத்தைச் சோ்ந்த சபதி ரமேஷிடம் கவசம் செய்வதற்காக வெள்ளிக் காசுகள் வழங்கப்பட்டன.
நிகழ்ச்சியில் செங்கம் பகுதியைச் சோ்ந்த பொதுமக்கள், விழாக்குழுவினா், பத்து நாள் திருவிழா உபயதாரா்கள், அறங்காவலா் குழு உறுப்பினா்கள், அறநிலையத் துறைப் பணியாளா்கள், ஊா் முக்கிய பிரமுகா்கள் கலந்துகொண்டனா்.
