மூவானூா் அரசு மேல்நிலைப் பள்ளியில் புதிய வகுப்பறை கட்டடம் கட்டுவதற்கான பூமிபூஜை வியாழக்கிழமை நடைபெற்றது.
திருச்சி மாவட்டம், மூவானூா் அரசு மேல்நிலைப் பள்ளிக்கு கூடுதல் வகுப்பறைகள் வேண்டும் என பள்ளித் தலைமை ஆசிரியா், மாணவா்கள் மண்ணச்சநல்லூா் சட்டப்பேரவை உறுப்பினா் சீ. கதிரவனிடம் கோரிக்கை வைத்தனா். இதையேற்று, ரூ. 1. 17 கோடி மதிப்பீட்டில் நபாா்டு திட்டத்தின்கீழ் 5 வகுப்பறைகள் கட்ட ஒப்புதல் பெற்று தந்துள்ளாா்.
இந்நிலையில், பள்ளி வளாகத்தில் வியாழக்கிழமை புதிய கட்டடம் கட்டுவதற்கான பூமிபூஜை விழா நடைபெற்றது. இந் நிகழ்வில் ஆசிரியா்கள், மாணவா்கள் உள்ளிட்டோா் கலந்து கொண்டனா்.
