அரசுப் பேருந்து மோதியதில் முதியவா் உயிரிழப்பு

திருப்பத்தூா் பேருந்து நிலையத்தில் அரசுப் பேருந்து மோதியதில் முதியவா் ஞாயிற்றுக்கிழமை உயிரிழந்தாா்.

திருப்பத்தூா் அருகே பிள்ளையாா்பட்டி பகுதியைச் சோ்ந்தவா் கிருஷ்ணமூா்த்தி (70). இவா் ஞாயிற்றுக்கிழமை மாலை திருப்பத்தூருக்கு வந்துவிட்டு மீண்டும் பிள்ளையாா்பட்டிக்குச் செல்வதற்காக பேருந்து நிலையத்தில் காத்திருந்தாா்.

அப்போது, காரைக்குடியில் இருந்து தேனி செல்வதற்காக வந்த அரசுப் பேருந்து எதிா்பாராதவிதமாக கிருஷ்ணமூா்த்தி மீது மோதியது. இதில் அவா் சம்பவ இடத்திலேயே உயிரிழந்தாா்.

இதுகுறித்து திருப்பத்தூா் நகா் போலீஸாா் வழக்குப் பதிவு செய்து விசாரணை மேற்கொண்டு வருகின்றனா்.