அரசு பள்ளிகளை மேம்படுத்த விரும்புவோா் இணையதளத்தில் தகவல்களை பதிவிறக்கம் செய்யலாம்: ஆட்சியா்

தென்காசி மாவட்டத்தில் அரசுப் பள்ளிகளை மேம்படுத்தும்பணியில் இணைந்து பங்களிக்க விரும்புவோா் இணையதளம் மூலம் தகவல்களை பதிவிறக்கம் செய்து கொள்ளலாம் என ஆட்சியா் தெரிவித்தாா்.

தென்காசி ஆட்சியா் ஏ.கே. கமல்கிஷோா் வெளியிட்ட செய்திக் குறிப்பு:

தமிழ்நாடு அரசு பள்ளிக் கல்வித் துறையின் பெரும் முயற்சிகளில் ஒன்றாக அரசுப் பள்ளிகளின் தரத்தை உயா்த்துவதற்காகவும் சமூக பங்களிப்பு மற்றும் தனிப்பட்ட பங்களிப்புகளை ஒருங்கிணைப்பதற்காகவும் நம்ம ஸ்கூல் நம்ம ஊா் பள்ளி என்ற திட்டம் தமிழக முதல்வரால் தொடங்கப்பட்டது.

இத்திட்டத்தின் மூலம் பொதுமக்கள் தங்களது பங்களிப்புகளை பொருளாகவோ பணமாகவோ அல்லது களப்பணி செய்வதன் மூலமாகவோ வழங்கலாம். இத்திட்டத்தின் வாயிலாக பெரு நிறுவனங்கள் குறு, சிறு மற்றும் நடுத்தர தொழில் நிறுவனங்கள் அரசு சாரா தொண்டு நிறுவனங்கள் முன்னாள் மாணவா்கள் மற்றும் தனிநபா்கள் அரசுப்பள்ளிகளில் தரத்தை உயா்த்த இணைய தளத்தின் வாயிலாக பங்களிப்பு செய்யலாம்.

நம்ம ஸ்கூல் நம்ம ஊா் பள்ளி திட்டத்தில் தமிழகம் முழுவதும் உள்ள தங்களுக்கு விருப்பமான அரசுப் பள்ளியை தோ்ந்தெடுத்து அப்பள்ளியின் தேவைகளை பூா்த்தி செய்யலாம். பொருளாதாரத்தில் பின்தங்கிய மாணவா்கள் மற்றும் முதல் பட்டதாரி மாணவா்கள் பள்ளி படிப்பிற்கு பின்னா் முதன்மை கல்வி நிறுவனங்களில் உயா் கல்வியை தொடா்வதற்கான உதவிகளை பணமாகவோ அல்லது அவா்களின் கல்வியை ஆதரிக்கும் வகையில் மடிக்கணினி வழங்கியோ பங்களிப்பாளா்கள் நிறைவேற்ற முடியும்.

ஒவ்வொரு பள்ளிக்கான தேவைகளும் அந்தந்த பள்ளியின் பள்ளி மேலாண்மை குழு மற்றும் தலைமை ஆசிரியரால் உறுதி செய்யப்பட்ட பின்னரே இத் தளத்தில் பதிவேற்றப்படும்.

இந்த தளத்தில் நன்கொடையாளா்களுக்கு பிரத்யோகமான டேஷ்போா்டு உருவாக்கப்படும் இந்த நன்கொடையாளா் டாஸ் போா்டு வாயிலாக தங்களது பங்களிப்புகளின் பயன்பாட்டை வெளிப்படையாக தெரிந்து கொள்ள முடியும்.

பங்களிப்பாளா்களுக்கு கல்வித் துறையினால் வழங்கப்படும் பயனீட்டுச் சான்றிதழ், வரி விலக்கு மற்றும் பாராட்டு சான்றிதழ்களை பதிவிறக்கம் செய்து கொள்ள முடியும்.

தென்காசி மாவட்டத்தில் உள்ள அரசுப் பள்ளிகளை மேம்படுத்தும் இந்தப் பணியில் இணைந்து பங்களிக்க விரும்புவோா் இது சாா்ந்த தகவல்களை மின்னஞ்சல் அல்லது 63853 13047 என்ற எண்ணின் வாயிலாக நம்ம ஸ்கூல் நம்ம ஊா் பள்ளி குழுவின் செயல்பாடுகளை அறிந்து கொள்ளலாம் என்றாா் அவா்.