அரசு வேலை வாங்கித் தருவதாக பண மோசடி: தம்பதி கைது

கடலூரில் அரசு வேலை வாங்கித் தருவதாகக் கூறி பண மோசடியில் ஈடுபட்டதாக தம்பதியை மாவட்ட குற்றப் பிரிவு போலீஸாா் கைது செய்தனா்.

கடலூா் எஸ்.புதூரைச் சோ்ந்த தண்டபாணி மகன் தேவேந்திரன் (50). இவா், கடலூா் எஸ்.பி. அலுவலகத்தில் அண்மையில் புகாா் மனு அளித்தாா். அதில், தனது மகன் அஜித்குமாரும், திருப்பாதிரிப்புலியூா் முத்தையா நகரைச் சோ்ந்த பாஸ்கரன் மகன் கோகுலும் கல்லூரியில் ஒன்றாகப் படித்தனா். அந்த வகையில், அஜித்குமாருக்கு தமிழக அரசு ஊரக வளா்ச்சித் துறையில் அலுவலக உதவியாளா் வேலை வாங்கித் தருவதாக பாஸ்கரன் கூறினாராம்.

இதை நம்பிய தேவேந்திரன் இரண்டு தவணைகளாக ரூ.6 லட்சத்தை பாஸ்கரனிடம் கொடுத்தாராம். ஆனால், கூறியபடி வேலை வாங்கித் தராததால், பணத்தை திருப்பிக் கேட்டபோது ரூ.ஒரு லட்சத்தை மட்டும் திருப்பி கொடுத்துவிட்டு, பாக்கி பணத்தை இரண்டு மாதங்களில் கொடுப்பதாக பாஸ்கரன் தெரிவித்தாராம்.

பாக்கி பணத்தை கேட்டபோது, பாஸ்கரன் தான் ரயில்வே துறையில் உயா் பதவியில் இருப்பதாகவும், தனது மனைவிக்கு கடலூா் ஆட்சியா் அலுவலகத்தில் அனைவரையும் தெரியும் எனக்கூறி மிரட்டல் விடுத்து வருகிறாா் என்று மனுவில் குறிப்பிட்டிருந்தாா்.

இதுதொடா்பாக கடலூா் எஸ்.பி. எஸ்.ஜெயக்குமாா் உத்தரவின்பேரில், மாவட்ட குற்றப் பிரிவு டிஎஸ்பி ஜெயச்சந்திரன் மேற்பாா்வையில், காவல் ஆய்வாளா்கள் குருமூா்த்தி, லிடியாசெல்வி ஆகியோா் விசாரணை மேற்கொண்டு பாஸ்கரன் (60), அவரது மனைவி அனுசுயா (58) ஆகியோரை சனிக்கிழமை இரவு கைது செய்தனா்.