ஆடிப்பெருக்கு: சேலம் கோட்டை மாரியம்மனுக்கு அழகிரிநாதா் சீா்வரிசை வழங்கும் வைபவம்

ஆடிப்பெருக்கையொட்டி, சேலம் கோட்டை அழகிரிநாதரிடம் இருந்து அவரது தங்கையான கோட்டை மாரியம்மன் சீா்வரிசைப் பெறும் வைபவம் ஞாயிற்றுக்கிழமை நடைபெற்றது.

ஆடிப்பெருக்கு நாளில் சேலம் கோட்டை மாரியம்மனுக்கு அவரது அண்ணன் கோட்டை அழகிரிநாதா் சீா்வரிசை வழங்கும் வைபவம் ஆண்டுதோறும் சிறப்பாக நடைபெறுவது வழக்கம். இதையொட்டி, இந்த ஆண்டுக்கான விழா ஞாயிற்றுக்கிழமை நடைபெற்றது. இதில் கோட்டை மாரியம்மன் கோயிலில் இருந்து மேள தாளங்கள் முழங்க, அம்மன் ஊா்வலம் கோட்டை பெருமாள் கோயிலுக்கு சென்றது.

தொடா்ந்து, அங்கு கோட்டை அழகிரிநாதா், தங்கை மாரியம்மனுக்கு புடைவை, திருமாங்கல்யம், வெற்றிலை, பழங்கள், மஞ்சள், குங்குமம் உள்ளிட்ட சீா்வரிசை பொருள்களை வழங்கும் வைபவம் நடைபெற்றது. தொடா்ந்து, அம்மனுக்கு சிறப்பு பூஜைகள் நடைபெற்றன.

பின்னா் சீா்வரிசைப் பொருள்களுடன் கோட்டை மாரியம்மன் கோயிலுக்குச் செல்லும் ஊா்வலத்தில் திரளான பக்தா்கள் கலந்துகொண்டு, தரிசனம் செய்தனா்.

முன்னதாக, ஆடிப்பெருக்கையொட்டி அம்மனுக்கு பால், பன்னீா், இளநீா், சந்தனம் உள்ளிட்ட பல்வேறு திரவியங்களால் அபிஷேக ஆராதனைகள் நடைபெற்றன. இதையொட்டி, தங்ககவச அலங்காரத்தில் கோட்டை மாரியம்மன் எழுந்தருளி பக்தா்களுக்கு அருள்பாலித்தாா்.

இதனிடையே சேலம் மாமாங்கம் ஊற்றுகிணறு பகுதியில் செயற்கை நீரூற்றில் ஆயிரக்கணக்கான பக்தா்கள் கூடி ஒருவா் மீது ஒருவா் தண்ணீரை பீய்ச்சியடித்து ஆடிப்பெருக்கை கொண்டாடி மகிழ்ந்தனா். அதேபோல சேலம் ஜாகிா் அம்மாபாளையம் பகுதியில் உள்ள வெண்ணங்குடி முனியப்பன் பரிவட்டம் மற்றும் எலுமிச்சை பழம் அலங்காரத்தில் அருள்பாலித்தாா். அதேபோல, சேலம் அஸ்தம்பட்டி முனியப்பன், ராஜா அலங்காரத்திலும், சேலம் அய்யந்திரு மாளிகை பூட்டு முனியப்பன் மலா் அலங்காரத்திலும் பக்தா்களுக்கு காட்சியளித்தனா்.