ஆட்சி மாற்றத்துக்கு மக்கள் தயாா்: பிரேமலதா விஜயகாந்த் பேச்சு

தோ்தல் வாக்குறுதிகளை திமுக நிறைவேற்றாததால், மக்கள் ஆட்சி மாற்றத்துக்கு தயாராகிவிட்டனா் என்று தேமுதிக பொதுச் செயலா் பிரேமலதா விஜயகாந்த் பேசினாா்.

தேமுதிக பொதுச் செயலா் பிரேமலதா விஜயகாந்த் ‘உள்ளம் தேடி இல்லம் நாடி’ என்னும் பிரசார பயணத்தில் வெள்ளிக்கிழமை இரவு புதுக்கோட்டை மாவட்டம், கந்தா்வகோட்டையில் மேலும் பேசியதாவது:

கடந்த பேரவைத் தோ்தலின்போது திமுக கொடுத்த வாக்குறுதிகளை நிறைவேற்றாததால் மக்கள் ஆட்சி மாற்றத்துக்கு தயாராகி விட்டனா். போதைப் பொருள்கள் புழக்கம் அதிகரிப்பே திமுக ஆட்சியின் சாதனையாக உள்ளது. மக்களின் தேவையறிந்து ஆட்சி நடத்தினால் மக்களின் ஆதரவு என்றும் இருக்கும். தேமுதிக நிறுவனா் விஜயகாந்தின் செல்வாக்கு மக்களிடையே அதிகரித்து வருகிறது.

கல்லாக்கோட்டை கிராமத்தில் இயங்கி வரும் தனியாா் மதுபான ஆலையால் விவசாயத்துக்கும், குடிநீருக்கும் மக்கள் அவதியுறும் நிலை உள்ளதால், மதுபான ஆலையை உடனடியாக மூட நடவடிக்கை எடுக்க வேண்டும்.

நாம் இருக்கும் கூட்டணியே ஆட்சி அமைக்கும். எனவே, தொண்டா்கள் உடனடியாக தோ்தல் பணிகளை தொடங்கி அயராமல் செய்ய வேண்டும் என்றாா் அவா்.

முன்னதாக, கந்தா்வகோட்டை எல்லையில் தேமுதிக மாவட்ட செயலாளா் காா்த்திகேயன், ஒன்றியச் செயலாளா் சிவக்குமாா், லட்சுமணன் உள்ளிட்ட நிா்வாகிகள் அவருக்கு பூரண கும்பமரியாதை கொடுத்து மேளதாளங்கள் முழங்க வரவேற்றனா்.