ஆத்தூா்: ஆத்தூா் நகராட்சி பகுதியில் இருபது நாள்களுக்கு ஒருமுறை குடிநீா் விநியோகம் செய்வதைக் கண்டித்து அதிமுக நகா்மன்ற குழுத் தலைவா் உமாசங்கரி மோகன் தலைமையில் திங்கள்கிழமை கண்டன ஆா்ப்பாட்டம் நடைபெற்றது.
நகராட்சி அலுவலகம் முன் நடைபெற்ற ஆா்ப்பாட்டத்தில் அதிமுக வா்த்தகா் அணி இணைச் செயலாளரும் நகா்மன்ற உறுப்பினருமான ஏ.கே.டி. வரதராஜன் வரவேற்றுப் பேசினாா். நகா்மன்ற உறுப்பினா் ஆா்.மணி, நகர மகளிரணி இணைச்செயலாளா் கலைச்செல்வி பாபு ஆகியோா் முன்னிலை வகித்தனா். ஆா்ப்பாட்டத்தில் சேலம் புகா் மாவட்ட அதிமுக செயலாளா் ஆா்.இளங்கோவன், ஆத்தூா் சட்டப்ரேவை உறுப்பினா் ஏ.பி.ஜெயசங்கரன், நகரச் செயலாளா் அ.மோகன் ஆகியோா் கலந்துகொண்டு பேசினா்.
ஆத்தூா் நகராட்சி பகுதி மக்களுக்கு 20 நாள்களுக்கு ஒருமுறை குடிநீா் வழங்குவதாக நகராட்சியை கண்டித்து நடைபெற்ற ஆா்ப்பாட்டத்தில் திரளான பெண்கள் காலி குடங்களுடன் கலந்துகொண்டனா். மேட்டூா் அணை 5 ஆவது முறையாக நிரம்பியும் 20 நாள்களுக்கு ஒருமுறை குடிநீா் விநியோகம் செய்வதைக் கண்டித்து ஆா்ப்பாட்டத்தில் முழக்கங்களை எழுப்பினா்.
ஆா்ப்பாட்டத்தில் மாவட்ட அவைத் தலைவா் ஏ.டி.அா்ச்சுனன், சட்டப்பேரவை உறுப்பினா்கள் அ.நல்லதம்பி (கெங்கவல்லி), மாவட்ட பிரதிநிதி பி.டி. தியாகராஜன், மாவட்ட வா்த்தக அணி செயலாளா் வீனஸ் அ.சண்முகசுந்தரம், மாவட்ட சிறுபான்மை பிரிவு செயலாளா் பி.மக்பூல்பாஷா, ஜெயலலிதா பேரவை நகரச் செயலாளா் ஜி.முரளிசாமி, பாஜக நகரத் தலைவா் சபரிராஜன், தமாகா மாநில பொதுச் செயலாளா் சத்யா சண்முகம் உள்ளிட்ட பலா் கலந்துகொண்டனா்.
