ஆா்.கே.நகா் தொகுதியில் புதிய குடியிருப்புகள்: அமைச்சா் பி.கே.சேகா்பாபு ஆய்வு

சென்னை ஆா்.கே. நகா் சட்டப்பேரவை தொகுதிக்குட்பட்ட காசிமேடு, புதுமனைகுப்பம், சிங்காரவேலன் நகரில் புதிய குடியிருப்புகள் கட்டப்படவுள்ள பகுதிகளை இந்து சமய அறநிலைத் துறை அமைச்சரும் சென்னைப் பெருநகா் வளா்ச்சிக் குழுமத் தலைவருமான பி.கே.சேகா்பாபு புதன்கிழமை பாா்வையிட்டு ஆய்வு செய்தாா்.

சென்னை வால்டாக்ஸ் சாலை, தண்ணீா்த் தொட்டி தெருவில் கட்டப்பட்டு வரும் ரத்த சுத்திகரிப்பு மையம் 700 குடியிருப்புகள், புதிய சமூகநலக் கூடம் மற்றும் விளையாட்டு திடல் பணிகளின் முன்னேற்றம் குறித்தும் அமைச்சா் ஆய்வு செய்த பின்னா் செய்தியாளா்களிடம் அவா் கூறியதாவது:

வடசென்னை வளா்ச்சி திட்டத்தின் கீழ் 252 பணிகளுக்கு ரூ. 6,039 கோடி செலவில் அடிக்கல் நாட்டப்பட்டுள்ளது. அதில், ஒரு பகுதியாக ரூ. 100 கோடியில் 700 குடியிருப்புகள் கட்டுமான பணிகள் தொடங்கி வைக்கப்பட்டன.

மேலும், வடசென்னை பகுதியில் அமைக்கப்பட்டு வரும் டயாலிசிஸ் சென்டா் பணிகள் ஜூன் மாதத்துக்குள் நிறைவு செய்யப்பட்டு மக்கள் பயன்பாட்டுக்கு கொண்டு வரப்படும். அதேபோல், நவீன விளையாட்டு அரங்கம் அமைக்கும் பணிகள் டிசம்பா் மாதத்துக்குள் மக்கள் பயன்பாட்டுக்கு கொண்டுவரப்படும். தென் சென்னையை போல், வடசென்னையின் கட்டமைப்பை மாற்றும் நடவடிக்கை தீவிரப்படுத்தப்பட்டுள்ளது என்றாா் அவா்.

இந்த ஆய்வுகளின்போது சட்டப்பேரவை உறுப்பினா்கள் மற்றும் அதிகாரிகள் கலந்து கொண்டனா்.