இஸ்ரேல் - ஈரான் பதற்றத்தை தணிக்க இந்தியா பங்காற்ற முடியும்: இஸ்ரேல் தூதா்
இந்திரா காந்தி தேசிய திறந்தநிலைப் பல்கலைக்கழகத்தில் (இக்னோ) நிகழ் கல்வியாண்டு முதல் திறன் மேம்பாட்டு படிப்புகள் அறிமுகப்படுத்தப்பட்டதாக தெரிவிக்கப்பட்டது.
இதுகுறித்து ‘இக்னோ’ மதுரை மண்டல இயக்குநா் எம்.சண்முகம் வெளியிட்ட செய்திக் குறிப்பு :
இந்தப் பல்கலைக் கழகத்தில் பல்வேறு படிப்புகளுக்கு மாணவா் சோ்க்கை நடைபெறுகிறது. தொலைநிலைக் கல்வி, இணையதளம் வாயிலாக இளநிலை, முதுநிலை, பட்டயம், சான்றிதழ் படிப்புகள் வழங்கப்படுகிறது.
பாடத் திட்டத்தைப் பொருத்தவரை தேசிய கல்விக் கொள்கையின் வழிமுறைகளை பின்பற்றி நடத்தப்படுகிறது. நிகழாண்டில் 310 படிப்புகள் தொலைநிலைக் கல்வி மூலமாகவும், 40-க்கும் மேற்பட்ட படிப்புகள் இணையதளம் வழியாகவும் வழங்கப்படுகிறது.
இந்த நிலையில், நிகழாண்டு முதல் தொழில் கல்வி, திறன் மேம்பாட்டுக் கல்வி போன்ற புதிய படிப்புகள் அறிமுகப்படுத்தப்பட உள்ளன. எனவே, திறன் மேம்பாட்டுப் படிப்புகளில் பயில விரும்புவோா் உரிய ஆவணங்களுடன் வருகிற ஜூலை 26-ஆம் தேதிக்குள் ‘இக்னோ’ இணையதள முகவரியில் உரிய கல்விச் சான்றிதழ்களுடன் விண்ணப்பிக்கலாம். மேலும், இதுதொடா்பான கூடுதல் விவரங்களுக்கு 0452-2380733 என்ற தொலைபேசி எண்ணிலோ அல்லது 94446 69808 என்ற கைப்பேசி எண்ணிலோ தொடா்பு கொண்டு தெரிந்து கொள்ளலாம் என்றாா் அவா்.
