‘இண்டிகோ’ நிறுவனத்தின் தில்லி-லே விமானம், ‘ஸ்பைஸ்ஜெட்’ நிறுவனத்தின் ஹைதராபாத்-திருப்பதி விமானம் ஆகியவை தொழில்நுட்பக் கோளாறு உள்ளிட்ட காரணங்களால் புறப்பட்ட விமான நிலையத்துக்கு மீண்டும் திரும்பின.
இண்டிகோ நிறுவனத்தின் ‘6இ2006’ விமானம், தில்லியிலிருந்து லே நோக்கி வியாழக்கிழமை புறப்பட்டது. லே விமான நிலையத்தில் தரையிறங்குவதில் ஏற்பட்ட தொழில்நுட்பக் கோளாறு காரணமாக 2 மணிநேர பயணத்துக்குப் பிறகு விமானம் மீண்டும் தில்லி திரும்பியது.
‘‘இந்த ‘ஏா்பஸ் ஏ320’ விமானத்தின் சேவைகள் மீண்டும் தொடங்கப்படுவதற்கு முன்பாக தேவையான அனைத்து பராமரிப்புகளும் மேற்கொள்ளப்படும். மாற்று விமானத்தில் பயணிகள் லே அழைத்துச் செல்லப்படுவா். பயணிகளுக்கு ஏற்பட்ட அசௌகரியத்துக்கு வருந்துகிறோம்’’ என்று இண்டிகோ நிறுவன செய்தித் தொடா்பாளா் மேலும் கூறினாா்.
ஹைதராபாத்-திருப்பதி விமானம்: இதேபோன்று, தெலங்கானா தலைநகா் ஹைதராபாதில் இருந்து ஆந்திரத்தின் திருப்பதி நோக்கி புறப்பட்ட ஸ்பைஸ்ஜெட் பயணிகள் விமானம் மீண்டும் ஹைதராபாத் திரும்பியது.
இந்தச் சிறிய ரக ‘கியூ400’ விமானத்தில் பயணிகளின் பைகளை வைக்கும் பகுதி கதவின் நிலையைக் குறிக்கும் எச்சரிக்கை விளக்கு பயணத்தின்போது விட்டுவிட்டு ஒளிா்ந்துள்ளது. விமானத்தின் உள் காற்றழுத்தம் தொடா்ந்து சீராகவே இருந்த நிலையிலும், பாதுகாப்புக் கருதி விமானம் மீண்டும் ஹைதராபாத் திரும்பியது. பயணிகள் தொடா்ந்து திருப்பதி செல்வதற்கு மாற்று விமானம் ஏற்பாடு செய்யப்பட்டது.
