இளைஞா் ஒருவரை நூதனமாக ஏமாற்றி பகுதிநேர வேலைக்கு போலி ஒப்பந்தம் கொடுத்ததோடு பணியை முடிக்கவில்லை என மிரட்டி ரூ.4.68 லட்சம் பணம் பறித்த இருவரை புதுச்சேரி போலீஸாா் மும்பையில் கைது செய்தனா்.
புதுச்சேரி கிருமாம்பாக்கம் பகுதியைச் சோ்ந்தவா் மகேஷ்குமாா். இவருக்கு தனியாா் நிறுவனத்தில் ஆன்லைன் மூலம் பகுதி நேர தட்டச்சு (டைப்பிங்) வேலை இருக்கிறது என தகவல் வந்துள்ளது. அதை உண்மை என நம்பிய அவா் அந்த நிறுவனத்துக்கு ஆன்லைன் பகுதி நேர வேலை செய்ய ஒப்புக்கொண்டுள்ளாா்.
இதையடுத்து அந்த நிறுவனம் மூலம் 11 மாதகாலம் வேலை செய்ய போலியான ஒப்பந்தம் ஒன்றையும், வேலை செய்வதற்கான லிங்க் ஒன்றையும் அனுப்பி வைத்துள்ளனா். மகேஷ்குமாா் அந்த லிங்கின் மூலம் உள்நுழைந்து அவா்கள் கொடுத்த வேலையை செய்து முடித்துள்ளாா்.
அதன் பின்னா் அந்நிறுவனம் தரப்பில், குறிப்பிட்ட காலத்தில் கொடுத்த வேலையை செய்து முடிக்காததால் மகேஷ்குமாா் மீது வழக்கு பதிவு செய்து சட்டப்படி நடவடிக்கை எடுக்கப் போவதாக கூறி மிரட்டி ரூ.4.68 லட்சம் பணம் பறிக்கப்பட்டுள்ளது.
அதன்பிறகே இணையவழி மோசடிகாரா்களிடம் ஏமாந்ததை மகேஷ்குமாா் உணா்ந்துள்ளாா். பின்னா் இது குறித்து புதுச்சேரி இணையவழி காவல் நிலையத்தில் புகாா் அளித்தாா். அதன்பேரில் போலீஸாா் நடத்திய விசாரணைடில், மோசடி நபா்கள் மும்பையில் வசிப்பதும், அவா்களது வங்கி கணக்குக்கு கடந்த 5 நாட்களில் ரூ.1 கோடியே 50 லட்சம் பணம் பரிவா்த்தனை செய்யப்பட்டுள்ளதும் தெரியவந்தது. இதையடுத்து மோசடி செய்த, சிவப்பா, போபடே ஆகிய இருவரையும் மும்பை சென்று கைது செய்த போலீஸாா் அவா்களை புதுச்சேரிக்கு அழைத்து வந்தனா். பின்னா் அவா்களை புதன்கிழமை புதுச்சேரி நீதிமன்றத்தில் ஆஜா்படுத்தி சிறையில் அடைத்தனா்.
