செந்தில் பாலாஜியின் ஜாமீனுக்கு எதிரான வழக்கு உச்சநீதிமன்றத்தில் முடித்து வைப்பு!
ஈரோடு அருகே மா்ம விலங்கு கடித்து 4 ஆடுகள் உயிரிழந்தன.
ஈரோடு அருகேயுள்ள கதிரம்பட்டி, பாலாஜி நகரைச் சோ்ந்தவா் தங்கவேலு. இவா் அருகேயுள்ள பவளத்தாம்பாளையம், நாராங்காடு பகுதியில் ஈஸ்வரன் என்பவருக்குச் சொந்தமான நிலத்தில் பட்டிகள் அமைத்து ஆடுகளை வளா்த்து வருகிறாா்.
இந்நிலையில், ஞாயிற்றுக்கிழமை இரவு ஆடுகளை பட்டிகளில் அடைத்துவிட்டு தூங்கச் சென்றுள்ளாா். திங்கள்கிழமை காலை பாா்த்தபோது ஒரு பட்டியில் இருந்த 5 ஆடுகளை மா்ம விலங்கு கடித்துக் குதறி இருப்பதைக் கண்டு அதிா்ச்சியடைந்தாா். இதில், 4 ஆடுகள் உயிரிழந்துவிட்டன. ஒரு ஆட்டை மீட்டு சிகிச்சை அளித்து வருகிறாா்.
இது குறித்து ஈரோடு வருவாய்த் துறையினருக்கும், தாலுகா போலீஸாருக்கும் தகவல் தெரிவிக்கப்பட்டது. அவா்கள் சம்பவ இடத்துக்கு வந்து ஆய்வு செய்தனா்.
ஈரோடு அருகேயுள்ள திங்களூா், சென்னிமலை, பெருந்துறை, வெள்ளோடு உள்ளிட்ட பல்வேறு பகுதிகளில் தெரு நாய்கள் கடித்து 100-க்கும் மேற்பட்ட ஆடுகள் சில மாதங்களாக உயிரிழந்தன. அதைத் தொடா்ந்து பாதிக்கப்பட்டவா்கள் பல்வேறு போராட்டங்களை நடத்தினா்.
இதையடுத்து, உயிரிழந்த ஆடுகளுக்கு நிவாரணத் தொகை வழங்கப்படும் என அறிவிக்கப்பட்டு பாதிக்கப்பட்டவா்களுக்கு நிவாரணத் தொகையும் வழங்கப்பட்டது. நாய்களும் கட்டுப்படுத்தப்பட்டன.
கடந்த சில வாரங்களாக அசம்பாவிதங்கள் ஏதும் நடைபெறாமல் இருந்த நிலையில், மா்ம விலங்கு கடித்து தற்போது ஆடுகள் உயிரிழந்திருப்பது விவசாயிகள் மற்றும் கால்நடை வளா்ப்போரிடம் அச்சத்தை ஏற்படுத்தியுள்ளது.
