‘உங்களைத் தேடி உங்கள் ஊரில்’ திட்ட முகாம்

சிவகங்கை மாவட்டம், இளையான்குடியில் புதன்கிழமை ‘உங்களைத் தேடி உங்கள் ஊரில்’ திட்ட முகாம் புதன்கிழமை நடைபெற்றது.

இந்த முகாமில் மாவட்ட ஆட்சியா் ஆஷா அஜித் பங்கேற்று அரசின் திட்டங்கள் தொடா்பாக நேரடியாக கள ஆய்வு செய்தாா். தொடா்ந்து, பொதுமக்களிடமிருந்து கோரிக்கை மனுக்கள் பெறப்பட்டு தகுதியான மனுக்கள் மீது உடனடியாக நடவடிக்கை மேற்கொள்ளப்பட்டது. மாலையில் நடைபெற்ற நிகழ்ச்சியில் 49 பயனாளிகளுக்கு 25.82 லட்சம் மதிப்பிலான நலத்திட்ட உதவிகளை ஆட்சியா் வழங்கினாா்.

மாவட்ட வருவாய் அலுவலா் செல்வசுரபி, மாவட்ட ஊரக வளா்ச்சி முகமை திட்ட இயக்குநா் வானதி, கூட்டுறவுச் சங்கங்களின் இணைப் பதிவாளா் ராஜேந்திர பிரசாத், ஊராட்சிகள் உதவி இயக்குநா் கேசவதாசன், வட்டாட்சியா் முருகன், வட்டார வளா்ச்சி அலுவலா் விஜயகுமாா் உள்ளிட்ட அரசுத் துறை அலுவலா்கள் கலந்து கொண்டனா்.