ஆற்காடு வட்டத்தில் ‘உங்களைத் தேடி உங்கள் ஊரில்’ திட்ட முகாமின் செயல்பாடுகள் குறித்து ஆட்சியா் ஜெ. யு. சந்திரகலா புதன்கிழமை ஆய்வு செய்தாா்.
ஆற்காடு அரசு மருத்துவமனையில் சிகிச்சை பெறும் உள்நோயாளிகளிடம் சிகிச்சை முறைகள் குறித்து கேட்டறிந்தாா்.இதனைத் தொடா்ந்து லாடவரம் ஊராட்சியில் தமிழ்நாடு நுகா்பொருள் வாணிபக் கழகத்தின் மூலம் செயல்பட்டு வரும் நேரடி நெல் கொள்முதல் நிலையத்தில் ஆய்வு செய்து நெல் மூட்டை எடை அளவு ஈரப்பதம் குறித்து கேட்டறிந்தாா் .
லாடவரம் தொடக்க வேளாண்மை கூட்டுறவு கடன் சங்கம், ரம்ப சுகாதார நிலையம்,ஊராட்சி ஒன்றிய தொடக்கப் பள்ளியை பாா்வையிட்டு மாணவா்களின் கற்றல் திறனை கேட்டு நல்ல முறையில் கற்பிக்க வேண்டும் என்று ஆசிரியா்களுக்கு உத்தரவிட்டாா். ஊரக வளா்ச்சித் துறை மூலம் ரூ.20.3 லட்சத்தில் கட்டப்பட்டு வரும் பால் கொள்முதல் நிலையத்தை பாா்வையிட்டு விரைந்து முடிக்க உத்தரவிட்டாா்.
பின்னா் அத்தித்தாங்கல் ஊராட்சியில் கால்நடை மருந்தகத்தை ஆய்வு செய்து கால்நடைகளுக்கான சிகிச்சை முறைகள், மருந்து இருப்பு குறித்தும் செம்பேடு ஊராட்சியில் தோட்டக்கலையின் சொட்டுநீா் பாசனம் மூலம் பயன்பெறும் பண்ணையையும், கே வேளூா் ஊராட்சியில் மகளிா் சுய உதவி குழுவினா் செய்து வரும் சுய தொழில் குறித்து கேட்டறிந்தாா்.
பின்னற், ஆற்காடு வட்டாட்சியா் அலுவலகத்தில் அனைத்து துறை அலுவலா்களுடன் ஆய்வு கூட்டம் நடைபெற்றது. இதில், பொதுமக்களின் குறைகளை உடனுக்குடன் தீா்க்க நடவடிக்கை எடுக்க வேண்டும் என அறிவுறுத்தினாா். ஆற்காடு பேருந்து நிலைய கட்டுமான பணிகளையும் அங்கு பயணிகளுக்கு ஏற்படுத்தப்படும் வசதிகள், புதிய வணிக அங்காடிகள் கட்டுமான பணிகளையும் பாா்வையிட்டு விரைந்து முடிக்க உத்தரவிட்டாா் .
ஆய்வின் போது ஊரக வளா்ச்சி முகமை திட்ட இயக்குநா் ஜெயசுதா, ஆற்காடு ஒன்றியக்குழு தலைவா் புவனேஸ்வரி சத்தியநாதன், நகா்மன்றத் தலைவா் தேவி பென்ஸ் பாண்டியன், கோட்டாட்சியா் ராஜராஜன், வட்டாட்சியா் பாக்யலட்சுமி, அரசு மருத்துவமனை அலுவலா் சிவசங்கரி நகராட்சி ஆணையா் வேங்கடலட்சுமணன், அதிகாரிகள், ஊராட்சி மன்றத் தலைவா்கள் கலந்து கொண்டனா்.
