ஒரே ஓவரில் 45 ரன்கள்... 43 பந்தில் 153 ரன்கள் குவித்த ஆப்கன் வீரர்!
பாபநாசம் வட்டம், அம்மாபேட்டை அருகே சமையல் செய்தபோது உடலில் வெந்நீா் கொட்டி காயமடைந்தவா் சிகிச்சை பலனின்றி செவ்வாய்க்கிழமை உயிரிழந்தாா்.
அம்மாபேட்டை அருகே செண்பகபுரம், கீழத் தெருவைச் சோ்ந்த காத்தையன் மகன் தருமையன் (59). தொழிலாளி. வலிப்பு நோய் பாதிப்பு இருந்தது. இந்நிலையில், அண்மையில் (ஜூலை 22) தருமையன் தனது வீட்டில் சமையல் செய்வதற்காக அடுப்பில் வெந்நீா் வைத்துக் கொண்டிருந்தாா். அப்போது அவருக்கு திடீரென வலிப்பு நோய் ஏற்பட்டது. இதில் அவா் அடுப்பில் வைத்திருந்த வெந்நீா் உடலில் கொட்டியதில் தருமையன் பலத்த காயமடைந்தாா். இதைக் கண்ட அக்கம்பக்கத்தினா் தருமையனை மீட்டு தஞ்சாவூா் மருத்துவக் கல்லூரி மருத்துவமனையில் சிகிச்சைக்காக சோ்த்தனா். அங்கு சிகிச்சை பலனின்றி செவ்வாய்க்கிழமை உயிரிழந்தாா். புகாரின்பேரில் அம்மாபேட்டை போலீஸாா் வழக்கு பதிந்து விசாரணை மேற்கொண்டுள்ளனா்.
