உரிமம் இல்லாமல் இயக்கப்பட்ட வாகனங்கள் பறிமுதல்

திண்டுக்கல் மாவட்டம், கொடைக்கானலில் உரிமம் இல்லாமல் இயக்கப்பட்ட வாகனங்கள் பறிமுதல் செய்யப்பட்டன. மேலும் போக்குவரத்து விதிகளை மீறிய வாகனங்களுக்கு அபராதம் விதிக்கப்பட்டது.

கொடைக்கான் மலைப் பகுதிகளில் எந்தவித உரிமமும் இல்லாமல் வாகனங்கள் இயக்கப்படுவதாக வத்தலக்குண்டு மோட்டாா் வாகன அலுவலகத்துக்கு புகாா் தெரிவிக்கப்பட்டது. இதைத் தொடா்ந்து மோட்டாா் வாகன ஆய்வாளா் இளங்கோ கொடைக்கானல் ஏரிச்சாலை, லாஸ்காட் சாலை, அப்சா்வேட்டரி, நாயுடுபுரம் உள்ளிட்ட பல்வேறு பகுதிகளில் ஆய்வு மேற்கொண்டாா். இந்த ஆய்வில் எந்தவிதமான உரிமமும் இல்லாமல் இயக்கப்பட்ட வேன், காா் உள்ளிட்ட 3வாகனங்கள் பறிமுதல் செய்யப்பட்டன. மேலும் போக்குவரத்து விதிகளை மீறி இயக்கப்பட்ட 13 வாகனங்களுக்கு ஒரு லட்சத்து 50 ஆயிரம் அபராதம் விதிக்கப்பட்டது.

இது குறித்து மோட்டாா் வாகன ஆய்வாளா் கூறியதாவது: கொடைக்கானல் மலைப் பகுதிகளில் இயக்கப்படும் வாகனங்கள் விதிமுறைகளுக்குள்பட்டு இயக்கப்பட வேண்டும். உரிமம் இல்லாமல் இயக்கக் கூடாது. மது அருந்தியோ, சீட் பெல்ட் அணியாமலோ வாகனங்களை இயக்கக் கூடாது. தொடா்ந்து வாகனச் சோதனை நடைபெறும் என்றாா் அவா்.