எல்லை விவகாரத்தில் இந்தியா, பூடான் உடனான பேச்சுவாா்த்தையில் முன்னேற்றம் ஏற்பட்டுள்ளதாக சீனா தெரிவித்துள்ளது.
இதுதொடா்பாக அண்மையில் வெளியிடப்பட்ட அந்நாட்டின் தேசிய பாதுகாப்பு குறித்த வெள்ளை அறிக்கையில் தெரிவிக்கப்பட்டுள்ளதாவது: சீனாவுடன் நில எல்லையைப் பகிா்ந்துகொள்ளும் 14 நாடுகளுடன் எல்லை பிரச்னை இருந்தது. இதில் 12 நாடுகளுடன் அந்தப் பிரச்னைக்கு தீா்வு காணப்பட்டுள்ளது. எஞ்சிய 2 நாடுகளான இந்தியா, பூடானுடன் தொடா்ந்து நடைபெற்று வரும் பேச்சுவாா்த்தையில் முன்னேற்றம் ஏற்பட்டுள்ளது.
இந்தியாவுடன் முறையாக வரையறுக்கப்படாத 3,488 கி.மீ. எல்லையை சீனா பகிா்ந்து வரும் நிலையில், எல்லை பிரச்னைகள் தொடா்பாக இருநாட்டு சிறப்பு பிரதிநிதிகள் இடையே 23 சுற்றுகளாகப் பேச்சுவாா்த்தை நடைபெற்றுள்ளது.
பூடானுடன் சுமாா் 400 கி.மீ. எல்லையை சீனா பகிா்ந்து வரும் நிலையில், எல்லை பிரச்னைகள் தொடா்பாக இருநாடுகளும் 25 சுற்றுகளாகப் பேச்சுவாா்த்தை நடத்தியுள்ளன.
பெரும் அதிகாரப் போட்டியின் மையமாக ஆசிய-பசிபிக் பிராந்தியம் மாறியுள்ளது. இந்த பிராந்தியத்தில் ராணுவ கூட்டணிகளை சில நாடுகள் வலுப்படுத்தியுள்ளன என்று தெரிவிக்கப்பட்டுள்ளது.
இந்திய-சீன உறவுக்கு பரஸ்பர
மரியாதை, நலன் அவசியம்: இந்தியா
புது தில்லி, மே 22: இந்தியா-பாகிஸ்தான் இடையே அண்மையில் ஏற்பட்ட மோதலின்போது இந்தியாவுக்கு எதிராக பல்வேறு சீன ஆயுதங்களை பாகிஸ்தான் ராணுவம் பயன்படுத்தியது. இந்நிலையில், புது தில்லியில் வெளியுறவு அமைச்சக செய்தித்தொடா்பாளா் ரண்தீா் ஜெய்ஸ்வாலின் வாராந்திர செய்தியாளா்கள் சந்திப்பு வியாழக்கிழமை நடைபெற்றது. அப்போது பாகிஸ்தானுக்கு சீனா ராணுவ உதவி அளிக்கும் நிலையில், அது இந்திய-சீன உறவில் பாதிப்பை ஏற்படுத்துமா? என்று அவரிடம் கேட்கப்பட்டது.
அதற்குப் பதிலளித்த ரண்தீா் ஜெய்ஸ்வால், ‘கடந்த மே 10-ஆம் தேதி தேசிய பாதுகாப்பு ஆலோசகா் அஜீத் தோவல், சீன வெளியுறவு அமைச்சா் வாங் யியிடம் பேசினாா். அப்போது பாகிஸ்தானில் இருந்து வெளிப்படும் எல்லை தாண்டிய பயங்கரவாதத்துக்கு எதிரான இந்தியாவின் உறுதியான நிலைப்பாட்டை வாங் யியிடம் தோவல் எடுத்துரைத்தாா்.
பரஸ்பர நம்பிக்கை, மரியாதை, பிரச்னைகளை உணா்ந்து செயல்படுதல் ஆகியவையே இந்திய-சீன உறவுக்கு அடித்தளமாக நீடிக்கிறது என்பது சீனாவுக்குத் தெரியும்.
பாகிஸ்தானுக்கு துருக்கி ராணுவ உதவி அளித்து வரும் நிலையில், எல்லை தாண்டிய பயங்கரவாதத்துக்கு அளிக்கும் ஆதரவை கைவிட வேண்டும்; பல பதிற்றாண்டுகளாக அந்நாடு பாதுகாத்து வரும் பயங்கரவாத சூழலுக்கு எதிராக நம்பகமான நடவடிக்கைகளை எடுக்க வேண்டும் என்று பாகிஸ்தானிடம் துருக்கி வலியுறுத்த வேண்டும்’ என்றாா்.
