ஏரியில் மூழ்கி சிறுவன் உயிரிழப்பு

திருப்பத்தூா் அருகே ஏரியில் மூழ்கி சிறுவன் உயிரிழந்தாா்.

திருப்ப்ததூா் தபேதாா் முத்துசாமி இரண்டாவது தெருவைச் சோ்ந்த பாபு மகன் ஆா்யா (12) பெங்களூரில் 6-ஆம் வகுப்பு படித்து வந்தாா். விடுமுறை என்பதால் சொந்த ஊருக்கு வந்த ஆா்யா சனிக்கிழமை நண்பா்களுடன் சோ்ந்து பெரியவெங்காயப்பள்ளி பகுதியில் உள்ள செல்லாகுட்டை ஏரியில் குளிக்க சென்றாா்.

அப்போது ஏரியில் குளித்துக் கொண்டிருந்தபோது ஆா்யா திடீரென தண்ணீரில் மூழ்கியுள்ளாா். இதனை கண்ட சிறுவா்கள் அங்கிருந்து ஓட்டம் பிடித்துள்ளனா். பின்னா் அக்கம் பக்கத்தினா் ஓடி வந்து நீரில் மூழ்கிய சிறுவனை மீட்டு 108 ஆம்புலன்ஸ் மூலம் திருப்பத்தூா் அரசு மருத்துவமனைக்கு அனுப்பி வைத்தனா். அங்கு சிறுவனை பரிசோதித்த மருத்துவா் வரும் வழியிலேயே உயிரிழந்து விட்டதாக தகவல் தெரிவித்தனா். இச்சம்பவம் குறித்து திருப்பத்தூா் தாலுகா போலீஸாா் வழக்குப் பதிந்து விசாரணை மேற்கொண்டு வருகின்றனா்.