இஸ்ரேல் தாக்குதலில் பறக்கும் ஈரான் கார்கள்! கட்டடங்கள் தரைமட்டம்!
விழுப்புரம் வழுதரெட்டியில் ஓய்வுபெற்ற தலைமையாசிரியா் வீட்டில் வைக்கப்பட்டிருந்த தங்க நகைகள், பணம் திருடுபோனது குறித்து போலீஸாா் விசாரித்து வருகின்றனா்.
விழுப்புரம் வழுதரெட்டி, காந்தி நகரைச் சோ்ந்தவா் ஊ.பூசமணி (64). அரசுப் பள்ளியில் தலைமையாசிரியராகப் பணியாற்றி ஓய்வுபெற்றவா். இவா், கடந்த ஜூன் 29-ஆம் தேதி இரவு தனது இரண்டரை பவுன் தங்கச் சங்கிலி, கால் பவுன் மோதிரம் மற்றும் ரூ.2 ஆயிரம் ரொக்கம் ஆகியவற்றை கைப்பையில் வைத்து தனது வீட்டின் ஜன்னல் அருகேயுள்ள மேஜை மீது வைத்துவிட்டு குடும்பத்துடன் தூங்கியுள்ளாா்.
மறுநாள் காலை எழுந்து பாா்த்தபோது, மேஜை மீது வைத்திருந்த தங்கச் சங்கிலி, மோதிரம் மற்றும் பணம் ஆகியவை திருடுபோயிருந்தது தெரியவந்நது.
இதுகுறித்து பூசமணி அளித்த புகாரின்பேரில், விழுப்புரம் தாலுகா போலீஸாா் செவ்வாய்க்கிழமை வழக்குப் பதிந்து விசாரித்து வருகின்றனா்.
