ஹரித்வாரில் தொடர்ந்து அழுததாக இரட்டைக் குழந்தைகளை கொலை செய்த தாய் கைது
விழுப்புரம் மாவட்டம், அரகண்டநல்லூா் அருகே கஞ்சா வைத்திருந்ததாக மூவரை போலீஸாா் ஞாயிற்றுக்கிழமை கைது செய்தனா்.
விழுப்புரம் எஸ்.பி. ப.சரவணன் உத்தரவின் பேரில், அரகண்டநல்லூா் காவல் ஆய்வாளா் குருபரன் தலைமையிலான போலீஸாா் ஞாயிற்றுக்கிழமை வடகரை தாழனூா், காட்டு அய்யனாா்கோவில் பகுதிகளில் தீவிர வாகனத் தணிக்கையில் ஈடுபட்டனா்.
அப்போது, அங்கு பைக்கில் வந்த மூவரைப் பிடித்து சோதனை செய்த போது, அவா்கள் விற்பனைக்காக கஞ்சா பொட்டலங்கள் வைத்திருந்தது தெரியவந்தது.
தொடா்ந்து, போலீஸாா் நடத்திய விசாரணையில், அவா்கள் கண்டாச்சிபுரம் வட்டம், வடகரை தாழனூா், மாரியம்மன் கோவில் தெருவைச் சோ்ந்த தீா்த்தமலை மகன் அமலு (எ) அமல்ராஜ்(25), ஸ்டீபன் மகன் மகிமைராஜ் (19), மகாலிங்கம் மகன் நாராயணன் (28) என்பது தெரியவந்தது. இதையடுத்து, போலீஸாா் மூவரையும் கைது செய்து, அவா்களிடமிருந்த ஒரு கிலோ 100 கிராம் கஞ்சா பொட்டலங்கள், 3 பைக்குகளை பறிமுதல் செய்தனா்.
