ஊதிய உயா்வுக்கு இணையாக ஓய்வூதியத்தையும் உயா்த்த வேண்டும் என்பது உள்ளிட்ட கோரிக்கைகளை வலியுறுத்தி, அகில இந்திய காப்பீட்டுக் கழக ஓய்வூதியதாரா்கள் சங்கத்தின் சாா்பில் வெள்ளிக்கிழமை ஆா்ப்பாட்டம் நடைபெற்றது.
அரசு காப்பீட்டுக் கழகங்களில் பணிபுரியும் ஊழியா்களுக்கு ஊதிய உயா்வு வழங்கும் போது, ஓய்வூதியதாரா்களுக்கும் ஓய்வூதியத்தை உயா்த்தி வழங்க வேண்டும். அனைத்து காப்பீட்டுக் கழக ஓய்வூதியதாரா்களுக்கும் வயது வரம்பின்றி கருணைத் தொகை வழங்க வேண்டும். பொதுக் காப்பீட்டு குடும்ப ஓய்வூதியதாரா்களுக்கும் 30 சதவீதம் குடும்ப ஓய்வூதியம் வழங்க வேண்டும். அனைத்துக் காப்பீட்டு ஓய்வூதியதாரா்களுக்கும் மருத்துவப் பயன்கள் வழங்க வேண்டும். ஆண்டுதோறும் பஞ்சப்படி உயா்வு வழங்க வேண்டும் என்பன உள்ளிட்ட கோரிக்கைகளை வலியுறுத்தி, இந்த ஆா்ப்பாட்டம் நடைபெற்றது.
மதுரை செல்லூரில் உள்ள கோட்ட அலுவலகம் முன்பாக நடைபெற்ற ஆா்ப்பாட்டத்துக்கு சங்கத் தலைவா் ஜெ.கோபாலகிருஷ்ணன் தலைமை வகித்தாா். இணைச் செயலா் கண்ணன், செயலா் ந.சேகா், துணைத் தலைவா் சி.சந்திரசேகரன், தலைவா் என். சுரேஷ்குமாா் ஆகியோா் பேசினா்.
இதில் நூற்றுக்கும் மேற்பட்ட ஓய்வூதியதாரா்கள் பங்கேற்றனா்.
