கா்நாடகம்: ஏழை மக்களுக்கு 4.68 லட்சம் வீடுகள் ஒதுக்கீடு -சிவ்ராஜ் சிங் சௌஹான்

கா்நாடக மாநிலத்தில் பொருளாதாரத்தில் பின்தங்கிய மக்களுக்கு 4.68 லட்சம் வீடுகளை மத்திய அரசு ஒதுக்கியுள்ளதாக மத்திய ஊரக வளா்ச்சி மற்றும் வேளாண் துறை அமைச்சா் சிவ்ராஜ் சிங் சௌஹான் சனிக்கிழமை தெரிவித்தாா்.

கடந்தாண்டு செப்டம்பா் மாதம் கா்நாடக மாநிலத்துக்கு 2.57 லட்சம் வீடுகளை மத்திய அரசு ஒதுக்கிய நிலையில் தற்போது கூடுதலாக 4.68 லட்சம் வீடுகள் ஒதுக்கப்பட்டதாக அவா் தெரிவித்தாா்.

கா்நாடக மாநில ஊரக வளா்ச்சி, வருவாய் மற்றும் வேளாண் அமைச்சா்களை சனிக்கிழமை காலை சிவ்ராஜ் சிங் சௌஹான் சந்தித்து ஆலோசனை மேற்கொண்டாா்.

அதன்பிறகு நடைபெற்ற செய்தியாளா்கள் சந்திப்பில் அவா் பேசியதாவது: பிரதமராக மூன்றாவது முறையாக பதவியேற்றபின் கடந்தாண்டு செப்டம்பரில் கா்நாடக மாநிலத்தில் உள்ள ஒவ்வொரு ஏழைக் குடும்பத்துக்கும் வீடுகள் வழங்கும் நோக்கில் 2.57 லட்சம் வீடுகளை ஒதுக்க பிரதமா் மோடி உத்தரவிட்டாா். தற்போது இந்த இலக்கை உயா்த்த மத்திய அரசு முடிவுசெய்துள்து. அதன்படி கூடுதலாக 4.68 லட்சம் வீடுகள் ஒதுக்கப்படவுள்ளன.

இதுதவிர எல்லை பகுதிகள் மேம்பாட்டு திட்டத்தின்கீழ் கா்நாடகத்துக்கு ரூ.97 கோடி நிதி ஒதுக்கப்பட்டுள்ளது. அதேபோல் வேளாண் துறைக்கு கூடுதல் மானியங்கள் ஒதுக்கவும் மத்திய அரசு ஒப்புதல் அளித்துள்ளது. வேளாண் தொழில்நுட்ப மேலாண்மை நிறுவனத் திட்டத்தின்கீழ் கூடுதல் பணியாளா்களையும் மத்திய அரசு நியமித்துள்ளது.

இந்த திட்டங்கள் அனைத்தையும் விரைவாக செயல்படுத்த கா்நாடக மாநில அரசை வலியுறுத்துகிறேன். கா்நாடக மாநிலத்துக்கு நிதி ஒதுக்குவதில் மத்திய அரசு பாரபட்சத்துடன் நடந்துகொள்வதாக முதல்வா் சித்தராமையா கூறுவது ஏற்புடையதல்ல. பிறா் மீது பழிபோடும் அரசியலில் காங்கிரஸ் ஈடுபடுகிறது. ஆனால் மக்களுக்கான நலத்திட்டங்களில் பாஜக கவனம் செலுத்துகிறது என்றாா்.