கா்நாடக இசையை அடுத்த தலைமுறைக்கு கொண்டு செல்லவேண்டும்: ஆளுநா் ஆா்.என். ரவி

சென்னை: கா்நாடக இசையை அடுத்த தலைமுறைக்கும் கொண்டு செல்ல வேண்டும் என தமிழக ஆளுநா் ஆா்.என்.ரவி கேட்டுக் கொண்டாா்.

மறைந்த இசை மேதை டாக்டா் எம். பாலமுரளிகிருஷ்ணா நினைவு அறக்கட்டளையும், பாரதீய வித்யா பவனும் இணைந்து பாலமுரளி நாத மகோற்சவ 2025 நிகழ்வை நடத்தியது. இந்த நிகழ்வில் தமிழக ஆளுநா் ஆா்.என்.ரவி தலைமை வகித்து பிரபல கிளாா்னெட் இசைமேதை ஏ.கே.சி.நடராஜனுக்கு ‘கலைச் சிறப்பிற்கான டாக்டா் எம்.பாலமுரளிகிருஷ்ணா தேசிய விருது’ வழங்கிப் பேசியது:

மறைந்த இசை மேதை பாலமுரளிகிருஷ்ணா பெயரில் ஏ.கே.சி.நடராஜனுக்கு விருது அளித்திருப்பது மகிழ்ச்சியை அளிக்கிறது. வித்வான்கள், புகழ்பெற்ற கலைஞா்கள் போன்றோா் இசைக்காக மட்டுமல்ல இந்த நாட்டின் பாரம்பரியத்தை வாழவைப்பவா்கள். அந்த வரிசையில் நடராஜன் போன்றோா் உள்ளனா்.

நமது பாரம்பா்யம் ஆயிரம் ஆண்டுகளுக்கு முந்தையது. ரிஷிகளால் வளா்க்கப்பட்டது. இது அடுத்த மில்லியன் ஆண்டுக்களுக்கு தொடரவேண்டும். சாம, ரிக் வேதத்தில் வித்திடப்பட்டு செழித்து வளா்ந்தது. மரபு மிக்க பால முரளிகிருஷ்ணா போன்றவா்கள் கா்நாடக இசையை உயா்த்தினாா். இதைத் தொடரவைக்க வேண்டும். அடுத்த தலைமுறைக்கு எடுத்துச் செல்லவேண்டும்.

கலையைச் தனிப்பட்ட முறையிலோ அல்லது அரசாலோ ஊக்குவிக்க முடியாது. ஒட்டு மொத்த சமூகத்தால் மட்டுமே அதை ஊக்கவிக்க முடியும். கலை, கலாசாரத்தை ஊக்குவிக்கும் இதுபோன்ற அறக்கட்டளைக்கு ஆதரவும் அளிக்கவேண்டும் என்றாா்.

நிகழ்ச்சியில் கா்நாடக இசைக் கலைஞா் டாக்டா் டி.வி. கோபாலகிருஷ்ணன், தியாகராஜா ஆராதனா கமிட்டி ஸ்ரீமுஷ்ணம் வி.ராஜா ராவ், பாரதீய வித்யாபவன் இயக்குநா் கே.என்.ராமசாமி உள்ளிட்டோா் பாடகா், இசை மேதை பாலமுரளி கிருஷ்ணாவையும், விருது பெற்ற ஏ.கே.சி.நடராஜனை பாராட்டி பேசினா்.

முன்னாக பாலமுரளி கிருஷ்ணா புதல்வா் வம்சி மோகன் வரவேற்றாா். அறக்கட்டளையைச் சோ்ந்த டாக்டா் கே.கிருஷ்ணகுமாா் நன்றி கூறினாா். நிகழ்வில் நவ்யா நாயரின் பரதநாட்டியம் நடைபெற்றது.