கிருஷ்ணகிரி அரசு மருத்துவக் கல்லூரி மருத்துவமனையில் பைக் திருடியவா் கைது!

கிருஷ்ணகிரி அரசு மருத்துவக் கல்லூரி மருத்துவமனை வளாகத்தில் நிறுத்தி இருந்த மோட்டாா்சைக்கிளை திருடிய திருவண்ணாமலையைச் சோ்ந்த இளைஞரை போலீஸாா், வெள்ளிக்கிழமை கைது செய்தனா்.

தருமபுரி மாவட்டம், பாப்பிரெட்டிப்பட்டியை அடுத்த நடூா் பகுதியைச் சோ்ந்த பிரபு(29) என்பவா், கிருஷ்ணகிரி அரசு மருத்துவ கல்லூரி மருத்துமனையில் சிகிச்சை பெற்று வரும் தனது உறவினரை காண மோட்டாா்சைக்கிளில் அண்மையில் வந்தாா். இவா், தனது மோட்டாா்சைக்கிளை, மருத்துவமனை வளாகத்தில் இருசக்கர வாகனங்கள் நிறுத்துமிடத்தில் நிறுத்தி உள்ளாா். மறுநாள், வந்த பாா்த்தபோது, தனது மோட்டாா் சைக்கிள் நிறுத்திய இடத்தில் இல்லாத்து கண்டு அதிா்ச்சி அடைந்தாா். இதுகுறித்து, அவா் குருபரப்பள்ளி காவல் நிலையத்தில் புகாா். அளித்தாா்.

வழக்குப் பதிந்த போலீஸாா், மருத்துவமனை வளாகத்தில் உள்ள கண்காணிப்பு கேரமராவில் பதிவான பதிவுகளை சேகரித்து ஆய்வு செய்த்தில், மா்ம நபா், மோட்டாா்சைக்கிளை திருடிச் செல்வது தெரியவந்த்து. மேலும், போலீஸாா், மருத்துவமனை வளாகத்தில் தீவிர கண்காணிப்பில் ஈடுபட்டனா்.

இந்த நிலையில், பிரபுவின் மோட்டாா்சைக்கிளை திருடிய மா்ம நபா், மருத்துவமனை வளாகத்தில் நடமாடுவதை சனிக்கிழமை அறிந்த போலீஸாா், அந்த மா்ம நபரை பிடித்து விசாரணை செய்தனா். விசாரணையில் அவா், திருவண்ணாமலை அண்ணாநகரைச் சோ்ந்த ஜாவூதின் (22) என்பதும், பிரபுவின் பைக்யை திருடியதும் தெரிந்தது. இதையடுத்து அவரை போலீஸாா் கைது செய்து, நீதிமன்றத்தில் ஆஜா்படுத்தி கிருஷ்ணகிரி கிளை சிறையில் அடைத்தனா்.