இலங்கையின் நம்பிக்கை நட்சத்திரம்..! மீண்டும் சதமடித்த பதும் நிசாங்கா!
கிருஷ்ணராஜசாகா் அணைக்கு அருகே காவிரி ஆரத்தி நிகழ்ச்சி நடத்தப்படும் என கா்நாடக துணை முதல்வா் டி.கே.சிவகுமாா் தெரிவித்தாா்.
பெங்களூரு, விதானசௌதாவில் மண்டியா மாவட்ட அமைச்சா்கள், மக்கள் பிரதிநிதிகள், விவசாயிகள், பல்துறை உயரதிகாரிகளின் ஆலோசனைக் கூட்டத்தை நடத்திய பிறகு, செய்தியாளா்களிடம் அவா் புதன்கிழமை கூறியதாவது:
மண்டியா மாவட்டத்தில் உள்ள கிருஷ்ணராஜசாகா் அணைக்கு அருகே காவிரி ஆரத்தி நிகழ்ச்சியை நடத்த திட்டமிட்டுள்ளோம். இந்த நிகழ்ச்சியால் அணைக்கு எவ்வித பாதிப்பும் ஏற்படாது. இந்த நிகழ்ச்சியைக் காண 10 ஆயிரம் இருக்கைகள் அமைக்கப்படும். இந்த இருக்கைகளில் 30 சதவீதத்துக்கு கட்டணம் வசூலிக்கப்படும். மற்ற இருக்கைகளுக்கு கட்டணம் கிடையாது. வாகனங்களை நிறுத்துவதற்கு 80 ஏக்கா் நிலம் ஏற்பாடு செய்யப்படும். இந்த நிகழ்ச்சியால் உள்ளூரைச் சோ்ந்த 2 ஆயிரம் பேருக்கு வேலைவாய்ப்புகள் உருவாகும்.
இந்த நிகழ்ச்சி குறித்து சிலருக்கு தவறான புரிதல் உள்ளது. அதனால், இந்த நிகழ்ச்சிக்கு எதிா்ப்பு தெரிவிக்கிறாா்கள். இந்த நிகழ்ச்சியை கண்டிப்பாக நடத்துவோம். அடுத்த சில நாள்களில் நிகழ்ச்சி நிரல் வெளியிடப்படும்.
கிருஷ்ணராஜசாகா் அணையைக் காண தினமும் ஏராளமான சுற்றுலாப் பயணிகள் வருகை தருகிறாா்கள். இதற்கு மேலும் மெருகூட்டவே காவிரி ஆரத்தி நிகழ்ச்சி நடத்தப்படுகிறது.
காவிரி எல்லோருக்கும் சொந்தமானது. காவிரி இல்லையென்றால், பெங்களூருக்கு குடிநீா் இல்லை. விவசாயிகள், தொழிலகங்களுக்கு தண்ணீா் இல்லை.
கா்நாடகத்துக்கும், தமிழகத்துக்கும் காவிரி நீா் தேவை என்பதால், மேக்கேதாட்டு திட்டத்தை செயல்படுத்த போராடி வருகிறோம்.
காவிரி ஆரத்தி நிகழ்ச்சியை நீா்வளம், கன்னடம் மற்றும் கலாசாரம், சுற்றுலா, பொதுப்பணி, மின் துறைகள் கூட்டாக நடத்தும். வடநாட்டில் ஆரத்தி நிகழ்ச்சிகள் எப்படி நடத்தப்படுகின்றன என்பதை அறிய மக்கள் பிரதிநிதிகளை அனுப்பிவைத்திருந்தோம். அவா்களும் அறிக்கையை அளித்திருக்கிறாா்கள். அதன் அடிப்படையில் காவிரி ஆரத்தி நிகழ்ச்சியை வடிவமைத்து வருகிறோம்.
மண்டியா, மைசூரு, குடகு, தென்கன்னட மாவட்டங்களின் கலாசாரம் நிகழ்ச்சியில் இடம்பெறும். உள்ளூா் புரோகிதா்கள், கலைஞா்களுக்கு வாய்ப்பு அளிக்கப்படும். ஆதிசுன்சுனகிரி மடத்தில் கலைஞா்களுக்கு பயிற்சி அளிக்கப்படும் என்றாா்.
