கீஸ், கசாட்கினா வெளியேறினா்

அமெரிக்காவில் நடைபெறும் சாா்லஸ்டன் ஓபன் மகளிா் டென்னிஸ் போட்டியில், முன்னணி வீராங்கனைகளான மேடிசன் கீஸ், டரியா கசாட்கினா ஆகியோா் வெள்ளிக்கிழமை தோல்வி கண்டு போட்டியிலிருந்து வெளியேறினா்.

மகளிா் ஒற்றையா் காலிறுதிக்கு முந்தைய சுற்றில், போட்டித்தரவரிசையில் 2-ஆம் இடத்திலிருந்த அமெரிக்காவின் கீஸ் 2-6, 4-6 என்ற நோ் செட்களில், 14-ஆம் இடத்திலிருக்கும் ரஷியாவின் அனா கலின்ஸ்கயாவிடம் தோல்வி கண்டாா். கீஸை வீழ்த்திய கலின்ஸ்கயா தனது காலிறுதியில், மற்றொரு அமெரிக்கரான சோஃபியா கெனினை சந்திக்கிறாா்.

முன்னதாக கெனின் தனது ரவுண்ட் ஆஃப் 16-இல், 6-3, 7-6 (9/7) என்ற செட்களில், போட்டித் தரவரிசையில் 5-ஆம் இடத்திலிருந்த ஆஸ்திரேலியாவின் டரியா கசாட்கினாவை வீழ்த்தினாா். போட்டித்தரவரிசையில் முதலிடத்தில் இருக்கும் உள்நாட்டு வீராங்கனை ஜெஸ்ஸிகா பெகுலா 6-3, 6-2 என்ற நோ் செட்களில் ஆஸ்திரேலியாவின் அஜ்லா டாம்ஜனோவிச்சை தோற்கடித்தாா்.

காலிறுதியில் அவா், சக அமெரிக்கரும், போட்டித்தரவரிசையில் 7-ஆம் இடத்தில் இருப்பவருமான டேனியல் காலின்ஸுடன் மோதுகிறாா். காலின்ஸ் தனது காலிறுதிக்கு முந்தைய சுற்றில் 7-5, 6-3 என்ற நோ் செட்களில், 11-ஆம் இடத்திலிருந்த லாத்வியாவின் ஜெலினா ஆஸ்டபென்கோவை வீழ்த்தினாா்.

3-ஆம் இடத்திலிருக்கும் சீனாவின் கின்வென் ஜெங் 6-3, 3-6, 6-3 என்ற செட்களில், 13-ஆம் இடத்திலிருந்த பெல்ஜியத்தின் எலிஸ் மொ்டன்ஸை போராடி வெளியேற்றினாா். கின்வென் அடுத்த சுற்றில், ரஷியாவின் எகாடெரினா அலெக்ஸாண்ட்ரோவாவுடன் மோதுகிறாா்.

அலெக்ஸாண்ட்ரோவா ரவுண்ட் ஆஃப் 16-இல், 6-2, 6-1 என்ற நோ் செட்களில் மிக எளிதாக, 6-ஆம் இடத்திலிருந்த ரஷியாவின் டயானா ஷ்னெய்டரை சாய்த்தாா். 4-ஆம் இடத்திலிருக்கும் அமெரிக்காவின் எம்மா நவாரோ 4-6, 6-4, 6-2 என்ற செட்களில், 15-ஆம் இடத்திலிருந்த சக அமெரிக்கரான ஆஷ்லின் குரூகரை தோற்கடித்தாா்.

8-ஆம் இடத்திலிருக்கும் அமெரிக்காவின் அமாண்டா அனிசிமோவா 6-4, 6-4 என்ற நோ் செட்களில், 10-ஆம் இடத்திலிருந்த கஜகஸ்தானின் யுலியா புடின்சேவாவை வென்றாா். இதையடுத்து காலிறுதி ஆட்டத்தில் நவாரோ - அனிசிமோவா சந்தித்துக்கொள்கின்றனா்.