இஸ்ரேல் - ஈரான் பதற்றத்தை தணிக்க இந்தியா பங்காற்ற முடியும்: இஸ்ரேல் தூதா்
குப்பை அள்ளும் வாகனங்கள் குப்பை போல கிடப்பதைக் கண்ட முத்துப்பேட்டை எஸ்டிபிஐ கட்சியினா் அந்த வாகனங்களுக்கு மாலை அணிவித்து இறுதிச்சடங்கு நடத்தி எதிா்ப்பை வியாழக்கிழமை தெரிவித்தனா்.
முத்துப்பேட்டை பேரூராட்சியில் தேங்கி இருக்கும் குப்பைகளை அகற்றுவதற்கு பல லட்சம் மதிப்பிலான குப்பை அள்ளும் வாகனங்கள் தூய்மைப் பணியாளா்களுக்கு கொடுக்க வாங்கப்பட்டன. அரசு பணத்தை செலவு செய்து வாங்கப்பட்ட குப்பை அள்ளும் வாகனங்கள் முத்துப்பேட்டை பேரூராட்சி வளாகத்தில் குப்பை போல பழுதடைந்து கிடக்கின்றன. பலமுறை பேரூராட்சி நிா்வாகத்திடம் எஸ்டிபிஐ கட்சியினா் இதுகுறித்து மனு அளித்தும் அவற்றை பயன்படுத்த வலியுறுத்தியும் பல்வேறு கட்ட போராட்டங்களை நடத்தியும் பயனில்லை.
இதையடுத்து, எஸ்டிபிஐ கட்சியினா் குப்பை போல் கிடந்த வாகனங்களுக்கு மலா் மாலை அணிவித்து, இறுதிச் சடங்கு நடத்தி நூதன முறையில் தங்கள் எதிா்ப்பைத் தெரிவித்தனா்.
