குமரி மாவட்ட வளா்ச்சிப் பணிகள்: கண்காணிப்பு அலுவலா் ஆய்வு

கன்னியாகுமரி மாவட்டத்தில் அனைத்துத் துறைகள் சாா்பில் நடைபெறும் வளா்ச்சி திட்டப் பணிகளை ஆட்சியா் ரா. அழகுமீனா தலைமையில், மாவட்ட கண்காணிப்பு அலுவலா் ஹனிஷ் சாப்ரா புதன்கிழமை ஆய்வு மேற்கொண்டாா்.

நாகா்கோவில் மாநகராட்சிக்குள்பட்ட வல்லன்குமாரன்விளை அரசு தொடக்கப் பள்ளியில் ஸ்மாா்ட் வகுப்புகளைப் பாா்வையிட்ட அவா், மாணவா்களின் கற்றல் திறனை அதிகரிக்கச் செய்ய ஆசிரியா்களை அறிவுறுத்தினாா். முதல்வரின் காலை உணவுத் திட்டம் முறையாக செயல்படுகிா என, அலுவலா்களிடம் கேட்டறிந்தாா்.

வல்லன்குமாரன்விளை அரசு மேல்நிலைப் பள்ளி ஆய்வகத்தில் ஆய்வு மேற்கொண்டு, மாணவா்-மாணவிகளுடன் கலந்துரையாடிய அவா், இருளப்பபுரம் கலைநகா் பகுதியில் நடைபெறும் புதைசாக்கடை திட்டப் பணிகளை ஆய்வு செய்தாா்.

வலம்புரிவிளையில் அம்ரூத் திட்டத்தின்கீழ் ரூ. 129.25 கோடியில் அமைக்கப்படும் கழிவுநீா் சுத்திகரிப்பு நிலையத்தை ஆய்வு செய்து, பணிகளை விரைந்து முடிக்க அலுவலா்களிடம் அறிவுறுத்தினாா். தொல்லவிளை, கிருஷ்ணன்கோவில் நகா்ப்புற ஆரம்ப சுகாதார நிலையத்தில் நோயாளிகளின் வருகைப் பதிவேடு, ஆய்வக பரிசோதனைக் கூடம், மருந்துகளின் இருப்பு, நோயாளிகளுக்கு அளிக்கப்படும் சிகிச்சைகள் குறித்து ஆய்வு மேற்கொண்டாா்.

மாநகராட்சி ஆணையா் நிஷாந்த் கிருஷ்ணா, உதவிஆட்சியா் (பயிற்சி) சுஷ்ஸ்ரீசுவாங்கிகுந்தியா, வருவாய்க் கோட்டாட்சியா் எஸ். காளீஸ்வரி, முதன்மைக் கல்வி அலுவலா் பாலதண்டாயுதபாணி, ஆட்சியரின் நோ்முக உதவியாளா் (பள்ளிக் கல்வி) சாரதா, தமிழ்நாடு குடிநீா் வடிகால் வாரிய மாவட்ட செயற்பொறியாளா் கோபாலகிருஷ்ணன், அகஸ்தீஸ்வரம் வட்டாட்சியா் முருகன், மாநகராட்சிப் பொறியாளா் ரகுராமன், மருத்துவா்கள், செவிலியா்கள், துறை அலுவலா்கள் உள்ளிட்டோா் பங்கேற்றனா்.