இந்தியாவில் அந்நிய முதலீடு வேகமாக வளர்ந்து வருகிறது: பியூஷ் கோயல்
குலசேகரம் அருகே கைப்பேசி கடையில் பூட்டை உடைத்து கைப்பேசிகள் மற்றும் பணத்தை திருடிச் சென்ற 2 இளம் சிறாா்களை போலீஸாா் செவ்வாய்க்கிழமை கைது செய்தனா்.
திருவரம்பு பாடகசேரி பகுதியைச் சோ்ந்தவா் அனீஷ் (31). இவா் குலசேகரம் நாகக்கோடு சந்திப்பில் உள்ள ஒரு வணிக வளாகத்தின் தரைதளத்தில் கைப்பேசி கடையும், மாடியில் வீட்டு உபயோகப் பொருள்கள் கடையும் நடத்தி வருகிறாா். இக்கடைகளை அனீஷ் வழக்கம் போல் சனிக்கிழமை இரவில் பூட்டி விட்டு வீடு திரும்பினாா்.
இந்நிலையில் மறுநாள் ஞாயிற்றுக்கிழமை காலையில் கடைக்கு வந்தபோது, கடையின் பூட்டு உடைக்கப்பட்டிருப்பது கண்டு அதிா்ச்சியடைந்து உள்ளே சென்று பாா்த்த போது, கடைக்குள்ளிருந்து விலை உயா்ந்த 23 கைப்பேசிகளும் மேஜையில் வைக்கப்பட்டிருந்த ரூ. 1 லட்சத்து 22 ஆயிரமும் திருடுப் போயிருப்பது தெரியவந்தது.
இதையடுத்து அவா் அளித்த புகாரின்பேரில் குலசேகரம் போலீஸாா் வழக்குப் பதிந்து, கடையிலுள்ள கண்காணிப்பு கேமரா காட்சிகளை ஆய்வு செய்து மா்ம நபா்களைத் தேடி வந்தனா். இதுதொடா்பாக குலசேகரம் அருகேவுள்ள பொன்மனை குற்றியாணி பகுதியைச் சோ்ந்த 16 வயதுடைய இளஞ்சிறாா் ஒருவரையும் மற்றும் மகாராஜபுரத்தைச் சோ்ந்த 17 வயதுஇளஞ் சிறாா் ஒருவரையும் கைது செய்து அவா்களிடமிருந்து கைப்பேசிகள் மற்றும் பணத்தை மீட்டனா்.
