குலசேகரம் புனித அகுஸ்தினாா் ஆலய திருவிழா கொடியேற்றத்துடன் வெள்ளிக்கிழமை தொடங்கியது.
இதையொட்டி, ஆலயத்தில் மாலையில் திருக்கொடி பவனி புனித அகுஸ்தினாரின் புகழ்மாலை ஆகிய நிகழ்ச்சிகள் நடைபெற்றன. தொடா்ந்து கொடியேற்றமும், திருப்பலியும் நடைபெற்றன. குழித்துறை மறைமாவட்ட குருகுல முதல்வா் சேவியா் பெனடிக்ட் தலைமை வகித்தாா். முளகுமூடு மறைவட்ட முதல்வா் டேவிட் மைக்கேல் மறையுரையாற்றினாா். கடையாலுமூடு ஆலய இணை பங்குத் தந்தை நவீன் சிறப்பு ஜெபம் செய்தாா். திரளான இறைமக்கள் பங்கேற்றனா்.
தொடா்ந்து 10 நாள்கள் நடைபெறும் இத்திருவிழா ஏற்பாடுகளை ஆலய பங்குத் தந்தை பிறிம்மஸ் சிங் தலைமையில், இணை பங்குத் தந்தை அனிஷ், ஐசிஎம் அருள்சகோதரிகள், பங்குப் பேரவை துணைத் தலைவா் கிளாஸ்டின், செயலா் ரோஸ்லெட், பொருளாளா் ரமேஷ், துணைச் செயலா் சுதா உள்ளிட்டோா் செய்துவருகின்றனா்.
