சின்னர் அசத்தல்: 3ஆவது முறையாக டேவிஸ் கோப்பையை வென்ற இத்தாலி!
கூடலூா் நகரில் நடுகூடலூா் பகுதியில் குடியிருப்புப் பகுதியில் ஞாயிற்றுக்கிழமை காலை காட்டு யானை உலவியதால் அப்பகுதி பொதுமக்கள் அச்சமடைந்தனா்.
கூடலூா் நகராட்சிக்குள்பட்ட நடுகூடலூா் பகுதியில் குடியிருப்புப் பகுதியில் ஒற்றை காட்டு யானை ஞாயிற்றுக்கிழமை காலை 7 மணியளவில் நுழைந்தது. அப்பகுதியில் வீட்டு வாசலில் இருந்த தென்னை மரத்தை சேதப்படுத்திவிட்டு, அங்கிருந்த வீட்டு வாசலில் நீண்ட நேரம் நின்று கொண்டிருந்தது.
இதைப் பாா்த்த அப்பகுதி மக்கள் சப்தமிட்டு யானையை வனப் பகுதிக்குள் விரட்டினா்.
குடியிருப்புப் பகுதியில் கடந்த ஒரு மாதமாக இந்த யானை உலவி வருகிறது. வனத் துறையினா் வந்து விரட்டிவிட்டாலும் மீண்டும் வருகிறது. இதனால், அச்சத்துடனே உள்ளோம் என அப்பகுதி மக்கள் தெரிவித்தனா்.
