கென்யாவின் கடலோர நகரமான மொம்பாசாவில் பெய்த கனமழையைத் தொடர்ந்து 5 பேர் உயிரிழந்ததாக உள்ளூர் அதிகாரிகள் உறுதிப்படுத்தியுள்ளனர்.
திங்களன்று பெய்த கனமழையின் காரணமாக சுவர் இடிந்து அவர்கள் மீது விழுந்ததில் ஐந்து பேர் உயிரிழந்ததாக மொம்பாசா கவுண்டியின் தலைமை தீயணைப்பு அதிகாரி இப்ராஹிம் செய்தி தகவல் தெரிவித்தார்.
கனமழையின் காரணமாக சுவர் இடிந்ததில் ஏற்கனவே மூன்று பேர் அதே இடத்தில் உயிரிழந்த நிலையில், மேலும் இரண்டு பேர் மருத்துவமனையில் சிகிச்சை பெற்றபோது இறந்தனர். இறந்தவர்களில் ஒரு குழந்தையும் இருந்ததாகக் கூறப்படுகிறது.
கிழக்கு ஆப்பிரிக்க நாட்டின் பல பகுதிகளில் கனமழை பெய்து வருவதால் அரநு வெள்ள அபாய எச்சரிக்கை விடுத்த இரண்டு நாள்களுக்குப் பிறகு இந்த விபத்து நடந்துள்ளது. மேற்கு கென்யாவில் பல ஆறுகள் கரைபுரண்டு ஓடி வருகின்றனர். நூற்றுக்கணக்கானோர் வீடுகள் இழந்த நிலையில், நாடு முழுவதும் தொடர்ந்து பெய்துவரும் மழை பேரழிவை ஏற்படுத்தி வருகிறது.
இதுதொடர்பாக கென்யா வானிலை ஆய்வுத் துறையின் கூற்றுப்படி, அக்டோபரில் தொடங்கிய பருவமழை இந்த மாத இறுதியில் முடிவடையும் என்று எதிர்பார்க்கப்படுகிறது, நாட்டின் பல பகுதிகளில் சராசரிக்கும் அதிகமான மழைப்பொழிவு பதிவாகியுள்ளது.
இந்தாண்டின் அசாதாரண பருவமழை, காலநிலை மாற்றத்தால் மிகவும் பாதிக்கப்படக்கூடிய நாடான கென்யாவின் பல பகுதிகளில் பல்வேறு பாதிப்புகளை ஏற்படுத்தியது.
கென்யா தேசிய பேரிடர் செயல்பாட்டு மையத்தின்படி, கென்யாவில் மார்ச் மற்றும் ஜூன் மாதங்களுக்கு இடையில் 300க்கும் மேற்பட்டோர் பலியாகியுள்ளனர். 188 பேர் காயமடைந்தனர் மற்றும் 38 பேர் காணவில்லை, அதே நேரத்தில் 293,20 க்கும் மேற்பட்ட மக்கள் இடம்பெயர்ந்துள்ளனர். கிட்டத்தட்ட 3 லட்சம் பேர் கென்யாவில் கனமழை மற்றும் வெள்ளத்தால் பாதிக்கப்பட்டுள்ளனர்.
