தொடர்ந்து 3-வது நாளாக ஏற்றத்தில் பங்குச் சந்தை! சென்செக்ஸ் 800 புள்ளிகள் உயர்வு!
கொலை முயற்சி வழக்கில் இளைஞருக்கு 7 ஆண்டுகள் சிறைத் தண்டனை விதித்து, திண்டுக்கல் நீதிமன்றம் திங்கள்கிழமை தீா்ப்பளித்தது.
திண்டுக்கல் மாவட்டம், பட்டிவீரன்பட்டியை அடுத்த கொன்னம்பட்டி பகுதியைச் சோ்ந்தவா் கிருஷ்ணமூா்த்தி. இவரது மனைவி சோனியா. இவா் கடந்த 2016-ஆம் ஆண்டு சிசிக்சைக்காக தனது தந்தை செல்லபாண்டி வீட்டுக்குச் சென்றாா். அப்போது, அதே பகுதியைச் சோ்ந்த கணேசமூா்த்தி (29) சோனியாவை கேலி செய்தாா். இதை சோனியாவின் அண்ணன் துரைப்பாண்டி தட்டிக் கேட்டதால் தகராறு ஏற்பட்டது. இதனிடையே, கணேசமூா்த்தி, அவரது சகோதரா் பழனிகுமாருடன் (32) சோ்ந்து துரைப்பாண்டியை அரிவாளால் வெட்டினாா். தடுக்கச் சென்ற கிருஷ்ணமூா்த்தியும் காயமடைந்தாா்.
இதுதொடா்பாக வழக்குப் பதிவு செய்த பட்டிவீரன்பட்டி போலீஸாா் கணேசமூா்த்தி, பழனிகுமாா் ஆகியோரைக் கைது செய்தனா். இதுதொடா்பான வழக்கு விசாரணை திண்டுக்கல் தலைமைக் குற்றவியில் நீதித் துறை நடுவா் நீதிமன்றத்தில் நடைபெற்று வந்தது. விசாரணை முடிவடைந்த நிலையில், தலைமைக் குற்றவியல் நீதித் துறை நடுவா் கனகராஜ் திங்கள்கிழமை தீா்ப்பளித்தாா். குற்றஞ்சாட்டப்பட்ட பழனிகுமாா் இறந்துவிட்ட நிலையில், கணேசமூா்த்திக்கு 7 ஆண்டுகள் சிறைத் தண்டனையும், ரூ.11,500 அபராதமும் விதித்தாா்.
