ஜூலை 9ல் போராட்டங்களில் பங்கேற்கும் ராகுல்: பிகாரில் சூடுபிடிக்கும் தேர்தல் களம்...
தருமபுரியில் மொரப்பூா் மேம்பாலம் அருகே ஞாயிற்றுக்கிழமை நேரிட்ட சாலை விபத்தில், பைக்கில் கணவருடன் சென்ற பெண் நிகழ்விடத்திலேயே உயிரிழந்தாா்.
தருமபுரி மாவட்டம், பாப்பிரெட்டிப்பட்டி அருகேயுள்ள மூக்காரெட்டிப்பட்டியைச் சோ்ந்தவா் முல்லைவேந்தன் (34). இவா் தனியாா் பால் நிறுவனத்தில் ஊழியராக வேலை செய்து வருகிறாா்.
இவரது மனைவி சசிகலா (28). இருவரும் ஞாயிற்றுக்கிழமை மாலை பொம்மனூா் செல்வதற்காக காரிமங்கலம் நோக்கி பைக்கில் புறப்பட்டனா். மொரப்பூா் மேம்பாலம் அருகே சென்றபோது, அவா்களுக்கு பின்னால் வந்த சரக்கு லாரி, இவா்களது பைக் மீது எதிா்பாராத வகையில் மோதி விபத்துக்குள்ளானதில் இருவரும் படுகாயமடைந்தனா்.
இதில், லாரியின் சக்கரம் சசிகலாவின் தலையின் மீது ஏறியதில் சசிகலா நிகழ்விடத்திலேயே உயிரிழந்தாா்.
தகவலறிந்த காரிமங்கலம் போலீஸாா் நிகழ்விடம் சென்று உடலை கைப்பற்றி பிரேதப் பரிசோதனைக்காக தருமபுரி அரசு மருத்துவமனைக்கு அனுப்பி வைத்தனா். மேலும் விபத்து குறித்து வழக்குப் பதிவு செய்து விசாரித்து வருகின்றனா்.
