சிதம்பரத்தில் பள்ளிவாசல் கணக்கு கேட்டதால் இஸ்லாமியா்களுக்குள் கோஷ்டி மோதல்!

பள்ளிவாசலின் சொத்துக்கணக்கை கேட்டதால் இஸ்லாமியா்களுக்குள் கோஷ்டி மோதல் ஏற்பட்டதால் சிதம்பரத்தில் பரபரப்பு ஏற்பட்டது. இரு தரப்பினரும் கண்டன ஆா்ப்பாட்டத்தில் ஈடுபட்டனா். போலீஸாா் இருதரப்பினா் மீதும் வழக்குப்பதிவு செய்துள்ளனா்.

கணக்கு தகராறு:

சிதம்பரத்தில் கடந்த செப். 5ம் தேதி லால்கான் தெருவில் உள்ள நவாப் பள்ளிவாசலில் சிதம்பரம் ஜவகா் தெருவை சோ்ந்த முகமது இஸ்மாயில் ( 45) என்பவா், அவரது ஆதரவாளா்கள் சிலரை அழைத்துச் சென்று பள்ளிவாசல் நிா்வாகிகளிடம் பள்ளிவாசலின் கணக்கு வழக்குகளையும், சொத்து விவரங்களையும் கேட்டுள்ளாா்.

அப்போது அங்கிருந்தவா்களுக்கும் முகமது இஸ்மாயில் தரப்புக்கும் வாக்குவாதம் ஏற்பட்டு ஒருவருக்கு ஒருவா் தாக்கிக் கொண்டனா். இந்த இதுகுறித்து முகமது இஸ்மாயில் சிதம்பரம் நகர காவல் நிலையத்தில் கொடுத்த புகாரின் பேரில் செல்லப்பா என்கிற ஜியாவுதீன், மஜீத், முகமது உசேன், ஈசாக், பக்ருதீன், பினாயில் ஆரிஃப், சையது, யூசுப் ஆகிய எட்டு போ் மீது வழக்கு பதிவு செய்யப்பட்டது.

இதேபோல் சிதம்பரம் லால்கான் தெருவை சோ்ந்த முகமது உசேன் (51), கொடுத்த புகாரின் பேரில் சாகுல் ஹமீது, நகிப், சபீா், ஜமால் உசேன், பைரோஸ், நாசா், ஹசன் ஹரிப், தசீா் உள்பட 10 போ் மீது வழக்கு பதிவு செய்யப்பட்டது.

ஆா்ப்பாட்டம்:

இந்நிலையில் திங்கள்கிழமை இரவு இரு தரப்பினரும் அரை மணி நேர இடைவெளியில் சிதம்பரம் மேலரதவீதி அண்ணா சிலை அருகே கண்டன ஆா்ப்பாட்டத்தில் ஈடுபட்டனா்.

முகமது இஸ்மாயில் தரப்புக்கு ஆதரவாக தமிழ்நாடு முஸ்லிம் முன்னேற்ற கழக மாவட்டச் செயலா் முகமது நுமான் தலைமையில் நடந்த ஆா்ப்பாட்டத்தில் லால்கான் பள்ளிவாசல் நிா்வாகிகளை கண்டித்தும் கைது செய்யக் கோரியும் ஆா்ப்பாட்டத்தில் ஈடுபட்டனா்.

இதே போலசிதம்பரம் லால்கான் பள்ளிவாசலை சோ்ந்த செல்லப்பா என்கிற ஜியாவுதீன் தலைமையில், நிா்வாகிகள் ஹலீம், முகமது அலி, தில்லை ஆா்.மக்கின் உள்ளிட்டோா் சோ்ந்து நவாப் பள்ளிவாசல் நிா்வாகிகளை கண்டித்தும், கைது செய்யக் கோரியும் கோஷமிட்டனா்.

இதுதரப்பினருக்கும் இடையே மோதல் ஏற்படாமல் இருக்க 100க்கும் மேற்பட்ட போலீசாா் பாதுகாப்பு பணியில் ஈடுபட்டிருந்தனா். இந்த ஆா்ப்பாட்டம் மற்றும் மோதலால் சிதம்பரம் பகுதியில் பதற்றம் நிலவுகிறது.