விழுப்புரம் மாவட்டத்தில் 4 வயது சிறுமிக்கு பாலியல் தொல்லை அளித்த வழக்கில், தொழிலாளிக்கு 20 ஆண்டுகள் சிறைத் தண்டனை வழங்கி போக்ஸோ சிறப்பு நீதிமன்றம் வெள்ளிக்கிழமை தீா்ப்பளித்தது.
விழுப்புரம் மாவட்டத்தைச் சோ்ந்த 4 வயது சிறுமி, கடந்த 2021, பிப்ரவரி 16-ஆம் தேதி வீட்டுக்கு வெளியே விளையாடிக் கொண்டிருந்தாா். அப்போது சிறுமிக்கு, மரக்காணம் வட்டம், அடசல் கிராமத்தைச் சோ்ந்த தொழிலாளி ரா. சேகா் (50) தொந்தரவு அளித்ததாக, பாதிக்கப்பட்ட சிறுமியின் பெற்றோா் திண்டிவனம் அனைத்து மகளிா் காவல் நிலையத்தில் புகாரளித்தனா்.
அதன் பேரில் போக்ஸோ சட்டத்தின்கீழ் வழக்குப்பதிந்த போலீஸாா், தொழிலாளி சேகரை கைது செய்தனா். இந்த வழக்கில் சாட்சிகள் விசாரணை நிறைவடைந்து, குற்றம் நிரூபணமானதால் சேகருக்கு 20 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து சிறப்பு நீதிமன்ற நீதிபதி வினோதா தீா்ப்பளித்தாா்.
அபராதத் தொகையைக் கட்டத் தவறினால் மேலும் 5 மாதங்கள் சிறைத் தண்டனையை அனுபவிக்கவும் உத்தரவிட்ட நீதிபதி, பாதிக்கப்பட்ட சிறுமிக்கு அரசு சாா்பில் ரூ.7 லட்சம் இழப்பீடு வழங்கவும் பரிந்துரை செய்தாா்.
இதையடுத்து, பலத்த போலீஸ் பாதுகாப்புடன் கடலூா் மத்திய சிறைக்கு சேகா் அழைத்து செல்லப்பட்டாா். இந்த வழக்கில் அரசுத் தரப்பில் வழக்குரைஞா் சுமதி ஆஜரானாா்.
