சத்தீஸ்கரில்.. ரூ.8 லட்சம் சன்மானம் அறிவித்து தேடப்பட்ட நக்சல் கைது!
சிறுமியைத் திருமணம் செய்து பாலியல் வன்கொடுமை செய்த இளைஞருக்கு 20 ஆண்டுகள் சிறைத் தண்டனை விதித்து ஈரோடு நீதிமன்றம் புதன்கிழமை தீா்ப்பளித்தது.
ஈரோடு அருகேயுள்ள சாணாா்பாளையம் மாகாளியம்மன் கோயில் பகுதியைச் சோ்ந்தவா் சக்திவேல் மகன் சூா்யா (29), கனரக வாகன ஓட்டுநா். இவருக்கும் ஈரோட்டைச் சோ்ந்த 16 வயது சிறுமிக்கும் இடையே கடந்த 2020- ஆம் ஆண்டு பழக்கம் ஏற்பட்டுள்ளது.
இந்நிலையில், சேலம் மாவட்டம், சங்ககிரி அருகேயுள்ள வைகுந்தம் என்ற இடத்துக்கு சிறுமியை கடந்த 7-3-2020-ஆம் ஆண்டு அழைத்துச் சென்ற சூா்யா, அங்குள்ள கோயிலில் தாலி கட்டியுள்ளாா். இதையடுத்து, சித்தோட்டில் உள்ள தனது வீட்டுக்கு சிறுமியை அழைத்துச் சென்று பாலியல் வன்கொடுமை செய்துள்ளாா். பின்னா், அன்று மாலை சிறுமியை அவரது வீட்டில் விட்டுள்ளாா்.
13-3-2020-ஆம் ஆண்டு சிறுமியை தனது வீட்டுக்கு அழைத்துச் சென்று பாலியல் வன்கொடுமை செய்துள்ளாா்.
இது குறித்து ஈரோடு அனைத்து மகளிா் காவல் நிலையத்தில் சிறுமியின் பெற்றோா் புகாா் அளித்தனா்.
இதையடுத்து, சூா்யா மீது போக்ஸோ சட்டத்தின்கீழ் வழக்குப் பதிவு செய்த போலீஸாா், அவரைக் கைது செய்து சிறையில் அடைத்தனா்.
இந்த வழக்கு விசாரணை ஈரோடு மகளிா் நீதிமன்றத்தில் நடைபெற்று வந்த நிலையில், குற்றஞ்சாட்டப்பட்ட சூா்யாவுக்கு குழந்தை திருமண தடை சட்டத்தின்கீழ் 1 ஆண்டு சிறை மற்றும் ரூ.5 ஆயிரம் அபராதமும், போக்ஸோ சட்டத்தின்கீழ் 20 ஆண்டுகள் சிறைத் தண்டனை, ரூ.5 ஆயிரம் அபராதமும் விதித்து நிதிபதி கி.சொா்ணகுமாா் தீா்ப்பளித்தாா். மேலும், இந்த தண்டனையை ஏக காலத்தில் அனுபவிக்க வேண்டும் என தீா்ப்பில் குறிப்பிட்டுள்ளாா். அரசு தரப்பில் வழக்குரைஞா் எம்.ஜெயந்தி ஆஜரானா்.
